Erlan Saıyrov: Kandıdattarǵa BAQ birdeı qoljetimdi boldy
«Bul saılaý elimizdiń saıası mádenıetin kóterýge jasalǵan aýqymdy bir qadam boldy. Qoldanystaǵy zańnamaǵa sáıkes bul saılaý halyqaralyq standarttarǵa sáıkes keledi. Kandıdattar men olardyń shtab basshylary arasynda debat ótti. 2005 jyldan beri alǵash ret oppozıtsııa ókilderi osy saılaýǵa qatysyp otyr jáne barlyq kandıdattarǵa buqaralyq aqparat quraldary birdeı qoljetimdi boldy. Al áleýmettik jelilerde olar elimizdiń áleýmettik-ekonomıkalyq damýynyń túrli aspektilerin synaı alady», - dedi Erlan Saıyrov astanada «Saılaý naýqanynyń aldyn ala qorytyndylary» dóńgelek ústelinde.
Onyń aıtýynsha, kandıdattar men olardyń shtab basshylary arasyndaǵy qyzý pikirtalas saılaýdaldy naýqannyń este qalarlyq oqıǵasy boldy.
«Saıası oıdyń geografııasy keńeıdi. Buǵan deıin saıası protsester tek qana iri qalalarda bolsa, búginde aýdandar men aýyldarda da jarys júrip jatyr. Adamdar belsendi bola tústi, óz pikirin aıtýǵa qoryqpaıdy. Bul saılaý elimizdiń saıası mádenıetindegi mańyzdy kezeńge aınaldy. Ondaǵy negizgi kún tártibi - saıası júıeni lıberızatsııalaý. Búginde áleýmettik jeliler qyzý pikirtalas alańyna aınaldy», - dedi Erlan Saıyrov.
