Erlan Saıyrov: Halyq óz tańdaýyn jasady
«Bul saılaýdy - burynǵy saılaýlarǵa qaraǵanda biregeı dep aıtýǵa bolady. Qoǵamnyń saıası kúsh-jigeri, saıası sanasy ósken. Osy saılaýdy bizdiń elimiz, bizdiń qoǵam keıbir memleketter on jylda ótetin saıası mádenıettiń joǵarylaý protsesinen ótti dep aıtýǵa negiz bar. Halyq óz tańdaýyn jasady. Meniń oıymsha, saılaý - halyqaralyq standarttarǵa saı ótti. Sondyqtan, osy jeńis zańdy. Biraq, osy jeńisten keıin bizdiń elimizde saıası reformalar bastalýy kerek», - dedi Erlan Saıyrov.
Eske sala ketsek, búgin QR Ortalyq saılaý komıssııasy 2019 jyldyń 9 maýsymynda ótken kezekten tys prezıdenttik saılaýda kandıdattarǵa saılaýshylardyń qansha daýys bergendigin jarııa etken bolatyn.
«Qazaqstan Respýblıkasy boıynsha Jambyl Ahmetbekov 167 249 daýys nemese saılaýshylardyń 1,83 protsent daýysyn, Danııa Espaeva 478 153 daýys nemese saılaýshylardyń 5,2 protsent daýysyn, Ámirjan Qosanov 1 472 733 daýys nemese saılaýshylardyń 16,02 protsent daýysyn, Tóleýtaı Rahymbekov 294 271 daýys nemese 3,2 protsent daýysyn, Amangeldi Taspıhov 190 304 daýys nemese saılaýshylardyń 2,07 protsent daýysyn, Qasym-Jomart Toqaev 6 504 054 nemese saılaýshylardyń 70,76 protsent daýysyn, Sádi-Bek Túgel 84 348 daýys nemese saılaýshylardyń 0,92 protsent daýysyn jınady», - dedi QR OSK tóraǵasynyń orynbasary Konstantın Petrov.
