Erlan Saırov: Shekara shetindegi Katonqaraǵaı, Marqakól, Tarbaǵataı aýdandaryn qaıta ashý kerek
Ulttyq qoǵamdyq senim keńesiniń VI otyrysynda Prezıdent Qasym-Jomart Toqaev shekaralyq aýdandardy damytý baǵdarlamasyn daıyndaý týraly tapsyrma bergen bolatyn.
«Shekara mańyn bos qaldyrýǵa bolmaıdy. Bul – ulttyq qaýipsizdikke tikeleı qatysy bar másele. Ony júıeli túrde sheshý qajet. Qomaqty qarajat kerek bolady. Úkimetke muny jan-jaqty qarastyryp, shekaralas aımaqtardy damytý jóninde usynys engizýdi tapsyramyn», - dedi Prezıdent.
Osy problemany Ulttyq keńes quramynda júrip belsendi kótergen Májilis depýtaty Erlan Saırov QazAqparat tilshisine atalmysh túıtkildiń túıinin tarqatý týraly ıdeıalaryn aıtty.
«Búgin dúnejúzinde óte kúrdeli geosaıası protses bolyp jatyr. Іri-iri memleketterdiń arasynda keıbir kelispeýshilikter bar. Sonymen birge adamzat basqa bir geosaıası, geoeokonomıkalyq formatsııaǵa ótip bara jatyr. Sonyń bári bizdiń syrtqy, ishki shekaralarymyzdy nyǵaıtýdy talap etedi. Osy turǵydaǵy eń negizgi másele – shekaralyq aımaqtardaǵy aýdandardyń áleýmettik-ekonomıkalyq damýyn shapshańdatý. Árbir memlekettiń eń negizgi kapıtaly – adam. Adamdar ǵana memlekettiń «materıaldyq ımmýnıteti» bola alady. Shekarada halyq bolǵanda ǵana onyń qaýipsizdigine kepildik bar. Sondyqtan biz eń birinshi shekaralyq aýdandarǵa adam resýrsyn shoǵyrlandyrýymyz kerek», - deıdi depýtat.
Májilis ókili shekaralyq aýdandardyń jaǵdaıymen arnaıy baryp tanysqan kezde birneshe júıelik problemalarǵa kýá bolǵanyn aıtady.
«Mysaly, Shyǵys Qazaqstan oblysynyń ońtústik bóligindegi burynǵy Katonqaraǵaı, Marqakól, Tarbaǵataı aýdandarynan halyq toqtaýsyz kóship jatyr. Sol jaqqa halyqty qaıtadan aparyp, turatyndaı jaǵdaı jasaý kerek. Ol úshin sol jaqqa adamdar turatyndaı etip ekonomıkalyq jaǵdaı jasap, ınfraqurylymyn qalypqa keltirý qajet. Mysaly, Kúrshim aýdanyndaǵy Jaýǵashty, Zaısandaǵy Úıdene, Tarbaǵataıdaǵy Qandysý jáne Qarǵyba bógetteriniń bári apattyq jaǵdaıda tur. Solardy jóndeý kerek», -deıdi ol.
Ulttyq keńes múshesi shekaralyq aýdandardaǵy kóshtiń baǵytyn keri burý úshin zamanaýı ıgilikterdiń bárin aýylǵa ornatý kerektigin atady.
«Qazir shekaralyq aýdandarda nternet joq. Qytaıdyń uıaly baılanysy ǵana istep tur. Mine osyny qalypqa keltirý kerek. Ondaı aýdandardyń bárin Qazaqstannyń aqparattyq aımaǵyna qaıtadan engizý kerek. ıAǵnı, olar qaıtadan otandyq televıdenıeni kórip, Qazaqstannyń uıaly operatorlarynyń qyzmetin tutynýy kerek. Jol salý da ózekti másele. Jergilikti joldardy kúrdeli jóndeýden ótkizip, asfalt tósep berý qajet. Sodan keıin ol jaqqa adamdardy kóshirý úshin úılerdi kóptep salyp, shetelden kelgen aǵaıyndarymyzdy turǵyzý máselesin qarastyrǵan durys dep oılaımyn. Eń negizgisi – kezinde jabylyp qalǵan Katonqaraǵaı, Marqakól, Tarbaǵataı aýdandaryn qaıta ashý kerek», - dedi Erlan Saırov.