Erlan Saırov: Prezıdentti bir merzimge saılaý –demokratııanyń baǵyty

NUR-SULTAN. QazAqparat – Prezıdent Qasym-Jomart Toqaevtyń halyq aldyndaǵy bedeli óte joǵary dep oılaımyn. Bul týraly QR Parlamenti Májilis depýtaty Erlan Saırov aıtty, dep habarlaıdy QazAqparat tilshisi.

«Bir saıası tulǵa bir merzimnen artyq prezıdenttik saılaýǵa túse almaıdy. Osyny demokratııanyń naǵyz baǵyty dep aıtý kerek», - dedi E. Saırov Parlament palatalarynyń birlesken otyrysynan keıin tilshiler saýalyna jaýap bere otyryp.

Bul turǵyda ol Konstıtýtsııa boıynsha ár jeti jyl saıyn Memleket basshysy laýazymyna jańa tulǵalar keletinin aıtty.

«Endi Prezıdent (Qasym-Jomart Toqaev) saılaýǵa túsetin bolsa, qazirgi kezde halyq aldyndaǵy ol kisiniń bedeli óte joǵary dep oılaımyn. Sondyqtan saılaýda jeńiske jetedi degen pikirdemin», - dedi depýtat.

Budan buryn habarlanǵandaı,bıyl qyrkúıek aıyndaǵy Joldaýynda Memleket basshysy Qasym-Jomart Toqaev kúzde kezekten tys Prezıdent saılaýyn ótkizýdi usyndy.

Osy oraıda Prezıdent kezekten tys Prezıdent saılaýyna barýǵa daıyn ekenin aıtty.