Erlan Saırov Mınıstrler kabınetin burynǵy Úkimettiń qateligin qaıtalamaýǵa shaqyrdy
«Keshe Úkimettiń keńeıtilgen otyrysynda Memleket basshysy Qasym-Jomart Toqaev elimizdegi kedeıshilik máselesine basa nazar aýdardy. Prezıdent Úkimet múshelerine azamattarymyzdyń kópshiliginiń áleýmettik jaǵdaıyn arttyrý baǵytynda jedel qadam jasaýǵa tapsyrma berdi. Elimizdiń tarıhynda halqymyzdyń áleýmettik jupyny jaǵdaıy Memleket basshysy deńgeıinde birinshi ret kóterilip otyr. ıAǵnı, Prezıdent Qasym-Jomart Toqaev qoǵamdy, azamattardy, halyqty tolǵandyratyn másele boıynsha ashyq, shynaıy áńgimege shaqyryp otyr degen sóz. Rasynda, halqymyzdyń basym kópshiliginiń áleýmettik jaǵdaıynyń tómendigi elimizdiń turaqty damýyna negizgi tejegish bolyp sanalady», - dedi E. Saırov Úkimet basshysy Álıhan Smaıylovtyń atyna joldaǵan saýalynda.
Osy oraıda ol Memleket basshysy 11 qańtarda Parlamentte sóılegen sózinde de Úkimetke halqymyzdyń áleýmettik jaǵdaıyn jaqsartý, azamattardyń ál-aýqatyn jetildirý jóninde naqty tapsyrmalar bergenin eske saldy.
«Bir aı ótti, Úkimet óz deńgeıinde eńbektenip jatqan bolar, degenmen Úkimettiń is-áreketteri halyqqa túsinikti, ashyq, qadamdary azamattarmen tyǵyz baılanysta bolýy shart. Aldyńǵy Úkimettiń basty problemasy ózderiniń is - qadamdarynyń logıkasyn, baǵyt-baǵdaryn elge, qoǵamǵa túsindire almady, jabyq stılde jumys istedi. Tarıhtan sabaq alatyn ýaqyt jetti. Osy oraıda, Álıhan Ashanuly ózińizdiń, Úkimet músheleriniń Májiliske, qoǵam ókilderiniń qatysýymen, Prezıdent bergen kelesi tapsyrmalar: kedeıshilikpen kúres, jastar máselesi, kishi jáne orta bıznesti damytý, syrtqa zańsyz ketken kapıtaldy qaıtarý problematıkasy, «Samruq Qazynany» reformalaý, ROP - ty ońtaılandyrý máseleleri boıynsha esep bergenderińiz abzal», - dedi depýtat.
«Halyq, qoǵam Prezıdent tapsyrmalarynyń qalaı oryndalyp jatqandyǵy, qandaı jospar bar, tapsyrmany oryndaýda qandaı qıyndyqtar bar ekendigi jóninde ashyq, búkpesiz habardar bolýy qajet. «Jańa Qazaqstan» fılosofııasy ashyq dıalogty, shynaıy dıskýssııany talap etedi! Halyqtyń máselesi tynysh kabınet sheńberinde emes, qoǵammen birlesip talqylanyp, sheshilýi tıis», - dedi Erlan Saırov.
