Erlan Saırov: Latyn álipbıin engizý ekonomıkanyń trıggeri bola alady

ASTANA. QazAqparat - Qazaqstan halqynyń basym bóligi latyn álipbıine kóshýdi qoldap otyr. Bundaı pikirdi belgili saıasattanýshy Erlan Saırov bildirdi, dep habarlaıdy QazAqparat.

«Birden aıtý kerek, qazaqstandyq áleýmettiń basym bóligi latyn qarpine kóshýdi qoldady, bul oraıda qoǵamda osy taqyrypta áleýmettik úndes optımızm bar. Atap aıtqanda, qoǵamnyń progessıvtik bóligi atalǵan úderisti jyldamdatýdy talap etýde. Latynǵa kóshý - ol ýaqyt talaby. Biz 21 ǵasyrda ómir súremiz, álemdegi halyqtyń 80 paıyzy qandaı da bir kólemde latyndy paıdalanady. Búginde ınjenerlik qadamdar, barlyq naqty ǵylymdar, ınnovatsııalyq tehnologııalar dál osy latyn jazýynda júrgiziledi. ıAǵnı ol joǵary tehnologııalardyń álipbıi bolyp otyr" deı kele saıasattanýshy álipbıdiń gýmanıtarlyq qyrlaryn da umytpaýdy eske salady.

Onyń aıtýynsha, latyn álipbıi arqyly Qazaqstanǵa joǵary tehnologııalar, ınnovatsııalar keledi, sondaı-aq ınvestıtsııalar aǵyny eselep artýy múmkin. Óıtkeni basqa alfavıt aıasynda týyndaıtyn kedergi bolmaıdy. "Latyn álipbıin engizý ekonomıkanyń trıggeri bola alady, sebebi jańa mamandyqtar men kásipter, áleýmettik-ekonomıkalyq damýdyń baǵyttary paıda bolady. Latyn jazýyna kóshý kezinde qazaq tilindegi jańa termınder máselesine qatysty ońtaıly sheshimder bolady», - dedi Saırov.

Saıasattanýshy latyn jazýyn paıdalaný jeńil ekenin aıta kele, jańa álipbıge kóshkennen keıin álemniń árbir túpkirinde standartty QWERT pernetaqtasyn paıdalana otyryp,  kez kelgen gadjette qazaqsha jazýǵa bolatynyn atap ótti.

E. Saırovtyń paıymynsha, latyn álipbıiniń arqasynda qazaqstandyq jastarda Internette aqparat alýda, sondaı-aq bilim men ǵylym salasynda keńistikti keńeıtýde múmúkindikteri arta túsedi. Búginde barsha balalar gadjetter men smartfondar múmkindigimen latyn jazýyn emin-erkin paıdalanýda. Sondyqtan latyn álipbıin engizý is júzinde qalyptasqan úderisti rásimdeý bolyp tabylady.