Erlan Saırov: Qoǵamdyq keńestiń maqsaty - jemqorlyqqa beıim máseleni aldyn alý
NUR-SULTAN. QazAqparat - Elimizdiń áleýmettik-ekonomıkalyq jaǵdaıyn halyqaralyq standarttarǵa kóshirý úshin jemqorlyqpen kúresýimiz kerek. Bul týraly Antikor Live baǵdarlamasynda QR Parlamenti Májilisiniń depýtaty Erlan Saırov aıtty, dep habarlaıdy QazAqparat tilshisi.
«Nur Otan partııasy Parlament saılaýynda jeńiske jetkennen keıin óziniń saılaýaldy baǵdarlamasyn naqty júzege asyrý quraly retinde partııa janynan jan-jaqty keńes qurdy. 14 keńestiń biri - Sybaılas jemqorlyqqa qarsy is-qımyl jónindegi qoǵamdyq keńes. Bul qoǵamdyq keńestiń negizgi mıssııasy - elimizdegi ádilettilik, teńdik, áleýmettik máselelerin sheshý», - deıdi Erlan Saırov.
Onyń aıtýynsha, ákimderdiń durys áreket etpeýi - memleketimizdiń qurylymyna keri áser etýde.
«Bizdiń qoǵamdyq keńestiń basty prıntsıpi - jemqorlyqqa beıim máselelerdi aldyn alý. Memlekettik organdar, ortalyq memlekettik organdar, ákimdiktermen birlese otyryp osy máselemen kúresý qajetpiz. Qoǵamdyq keńestiń maqsaty - jemqorlyqqa beıim máseleni aldyn alý», - deıdi ol.
