Erlan Saırov eldi alańdatqan problemalarǵa toqtaldy
Keńes múshesi Erlan Saırov eldi alańdatyp otyrǵan negizgi problemalardy ataı kele, eldiń memleketpen dıaolgqa sýsap qalǵanyn jetkizdi.
«Prezıdenttiń Ulttyq qoǵamdyq senim keńesin qurý týraly Jarlyǵy er arasynda rezonans týǵyzdy. Ortalyq qalalardan ǵana emes, óńirlerden de adamdar shyǵyp, óz pikirlerin bildirip jatyr. Bul jurtttyń bılikpen áńgimege sýsap qalǵanyn kórsetedi. Qazir elimizde qoǵamdyq-saıası protsesterdi lıberaldandyrýǵa degen suranys bar ekenin kórip otyrmyz. Sondyqtan bul keńestiń qajettigin barlyǵymyz túsinip otyrmyz», - dep bastady Erlan Saırov.
Onyń aıtýynsha, qazir eldi eńbek salasy men azamattardyń múddesin qorǵaý, saıası reformalar salalarynda kóptegen problemalardyń qordalanyp qalýy alańdatyp otyr.
«Qazir eldegi qoǵamdyq-saıası palıtra árkelki. Saılaý, mıtıng, BAQ, saıası partııalar týraly zańdardyń keıbir tarmaqtary zaman talabyna saı emes ekenin ýaqyt kórsetti. Sondyqtan, osy turǵyda oılanýymyz kerek. Saıas protsesterdi ortalyqsyzdandyryp, ártaraptandyrýǵa suranys bar. Saıası sheshimderdiń barlyǵy Nur-Sultannan shyqpaýy kerek ekenin aıtýshylar kóp. Jyl saıyn Qazaqstannan óz erkimen kóship jatqandardyń sany artyp keledi. Al shekaralyq aýdandardan halyq ortalyqtarǵa kóship jatyr. Bul tipti gýmanıtarlyq problema deýge bolady», - dep túıdi Keńes múshesi.
Onyń pikirine qaraǵanda, bul máselelerdi sheshý keńestiń negizgi mıssııasy bolmaq.
«Memlekettiń osy máselelerdi sheshýge degen erik- jigeri bar. Sondyqtan, qazirdiń ózinde keńes jumysyna qatysty optımıstik boljam qalyptasty dep aıtýǵa bolady», - dedi qoǵam qaıratkeri.
