Erlan Saırov: Barlyq sharýa halyqpen aqyldasyp sheshilýi tıis

NUR-SULTAN. QazAqparat – Aldymyzda elimizdiń qoǵamdyq-saıası protsesterin evolıýtsııalyq úlgide sapaly deńgeıge ótkizý mindeti tur. Mundaı oıdy Ulttyq keńestiń otyrysynan keıin keńes múshesi Erlan Saırov bildirdi, dep habarlaıdy QazAqaparat tilshisi.

«Eń negizgi másele – bizdiń elimizdegi ekonomıkalyq damýdy jalǵastyrý úshin Memleket basshysy «Elimizdegi saıası-áleýmettik damýsyz ekonomıkalyq órleý múmkin emes» degen pozıtsııasyn qaıta qaıtalady. Keńes músheleriniń bizdiń elimizdegi saıası reformalary jónindegi ózderiniń ustanymdarymen, aıtqan oılarymen kelisti. Bizdiń elimizdegi saıası júıege lıberalızatsııa jasaýǵa, belgili bir qoǵamdyq evolıýtsııa júrgizýge alǵyshart bar degen oıdamyn. Sonymen, elimizdegi áleýmettik máselelerdi sheshýge talpynys bar. Naqty usynystarymyzdy Prezıdent Ákimshiligine beretin bolamyz», - dedi Erlan Saırov Ulttyq qoǵamdyq senim keńesiniń otyrysynan keıin tilshilerge bergen suhbatynda.

Sarapshy óz sózinde árbir júıe damýy úshin evolıýtsııalyq jol kerektigin atap ótti.

«Evolıýtsııa – memleket damýynyń eń negizgi kúretamyry. Aldymyzda elimizdiń qoǵamdyq-saıası protsesterin evolıýtsııalyq úlgide sapaly deńgeıge ótkizý mindeti tur. Eń negizgisi – barlyq sharýa halyqpen birlesip, aqyldasyp sheshilýi tıis», - dedi Erlan Saırov.

Eske sala ketsek, búgin elordada Ulttyq qoǵamdyq senim keńesiniń alǵashqy otyrysy ótti. Otyrysqa Qazaqstan Prezıdenti Qasym-Jomart Toqaev qatysty.