Erlan Saǵadıevtiń buıryǵy depýtattyń synyna ilikti
ASTANA. QazAqparat - Májilistegi Úkimet saǵatynda depýtat Natalıa Jumadildaeva QR Bilim jáne ǵylym mınıstri Erlan Saǵadıevtiń elektrondyq jýrnaldardy júrgizý tártibi týraly buıryǵyn synǵa aldy, dep habarlaıdy QazAqparat.
Tıisti buıryqqa sáıkes, synyp jýrnalyn júrgizý árbir muǵalim úshin mindetti sanalady. Mektep elektrondyq júıege qosylǵan jaǵdaıda synyp jýrnaly tek elektrondyq formatta toltyrylady. ıAǵnı, qaǵaz túrinde toltyrylmaıdy. Degenmen de elektrondyq jýrnal árbir toqsannyń qorytyndysy boıynsha qaǵazǵa basylyp, nómirlenip, mekteptiń mórimen bekitiledi.
«ıAǵnı, muǵalim qaǵaz jýrnaldyń qoldan jasalǵan kóshirmesin qurady. Erlan Kenjeǵalıuly, elektrondyq jýrnaldyq jáne onyń qaǵaz nusqasyna tyıym salýdyń máni nede?», - dedi Májilis depýtaty mınıstrge qaratyp aıtqan saýalynda.
Mınıstr Erlan Saǵadıevtiń sózine qaraǵanda, bul ýaqytsha shara. Muǵalimder málimetterdiń saqtalýyna senimdi bolýy úshin osyndaı usynys jasaǵan.
«Bolashaqta muǵalimder oqýshylardyń alǵan baǵalary qaýipsiz túrde saqtalǵanyna kózderi jetkennen keıin, biz buıryqty aýystyryp, osy pýnktiń kúshin joıa alamyz», - dedi Bilim jáne ǵylym mınıstri.
