Erlan Saǵadıev JOO oqý merziminiń qysqarýyna qatysty pikir bildirdi
ASTANA. QazAqparat - QR Bilim jáne ǵylym mınıstri Erlan Saǵadıev joǵary oqý oryndarynda oqý merzimin qysqartýǵa qatysty pikir bildirdi, dep habarlaıdy QazAqparat tilshisi.
«JOO-da oqý jylyn qysqartý tek kolledj bitirýshilerine arnalǵan. Kolledjderdiń oqý baǵdarlamalarynyń kredıtterin (pánderi -avt.) alyp, joǵarǵy oqý oryndary esepke alsa - tórt jyl oqymaı, eki-úsh jyldyń ishinde kolledjdi bitirýge bolady», - dedi Erlan Saǵadıev jýrnalısterge.
Mınıstr óz sózinde kelesi jyldyń jańa oqý jylynan bastap kolledj túlekteri úshin oqý merzimi qysqaratynyn aıtty.
«Qazir qujattardy bekitip, sodan keıin engizetin bolamyz», - deıdi ol.
Eske sala ketsek, saıası ǵylymdar doktory Sháripbek Ámirbekov Prezıdent Joldaýyn túsindirý kezinde Qazaqstandaǵy joǵary oqý oryndarynda jańa bilim berý tehnologııasy engizilgeli jatqanyn aıtqan edi. Onyń aıasynda joǵary oqý ornyn bitirgen stýdentter tórt jyl emes, 2,5-3 jyl oqıtyn bolatyny habarlanǵan.
