Erlan Saǵadıev: UBT suraqtary men jaýaptary 100 paıyz qorǵalǵan
ASTANA. QazAqparat - Ulttyq biryńǵaı test suraqtary men jaýaptary 100 paıyz qorǵalǵan. Bul týraly búgin Medıa bilim berýdi damytý máseleleri jónindegi vedomstvoaralyq keńesten soń BAQ ókilderiniń saýalyna jaýap bergen QR Bilim jáne ǵylym mınıstri Erlan Saǵadıev aıtty, dep habarlaıdy QazAqparat tilshisi.
Onyń aıtýynsha, Ulttyq biryńǵaı test suraqtary men jaýaptary memlekettik qupııa sanalady. Sonymen qatar onyń syrtqa taralyp ketpeýin Bilim mınıstrligimen birge elimizdiń arnaıy organdary da qamtamasyz etedi.
«Jappaı syrtqa taralyp ketýi esh ýaqytta bolǵan emes jáne eshqashan bolmaıdy dep senemiz. UBT-ǵa deıingi kezeńde stýdentterdi daıyndap, ózderiniń suraqtaryn jasaǵan kompanııalar bar. Bul basqa másele», - dedi ol.
Mınıstrdiń atap ótýinshe, atalǵan bilim berý kompanııalary jyl saıyn ózderiniń suraqtaryn UBT-ǵa qatysy bar suraqtar retinde jarııalap otyrady.
«Bul durys emes, aldanýdyń qajeti joq. Burynyraq, tipti olar suraqtar retinde satylǵan da bolatyn. Al bizde barlyǵy da senimdi qorǵalǵan, barlyǵyna baıyppen qarap, óz balańmen aınalysqan jón. Sonda bári ret-retimen bolady», - dedi Erlan Saǵadıev.
