Erlan Saǵadıev satylatyn jalǵan dıplomdarǵa qatysty túsinik berdi
ASTANA. QazAqparat - Búgin elordada ótken esepti kezdesýde QR Bilim jáne ǵylym mınıstri Erlan Saǵadıev joǵary oqý ornyn támamdaǵany týraly satylatyn jalǵan dıplomdarǵa qatysty túsinik berdi, dep habarlaıdy QazAqparat.
Eseptik kezdesýde jelide túrli saıttar bar ekendigi, olarda shamaly aqshaǵa túpnusqadan aıyrmashylyǵy joq kez kelgen qazaqstandyq dıplomdy satyp alýǵa bolatyndyǵy jarnamalanyp jatqandyǵy, sondaı-aq mınıstrlik atalǵan máseleni qalaı reteıtindigi suraldy. «Birinshiden, árbir stýdent bizde esepte tur. Atap aıtqanda, stýdentter málimetteriniń biryńǵaı bazasy bizde túzilgen. Osy rette 100 paıyzdyq qadaǵalaý bar. Sondyqtan da tupnusqa dıplom alǵan stýdentti anyqtaý qıyn emes. Árıne, alaıaqtyqpen aınalysatyn saıttar bolatyny anyq, olar dıplomnan bólek jeke kýálik, júrgizýshi kýáligin jáne basqa da qujattardy daıarlap berýge ýáde beretini belgili»,-dep toqtaldy Saǵadıev.
Osy oraıda ol osyndaı jarnamalar men aqparattar paıda bolǵan kezde mınıstrlik quzyrly organdarǵa tıisti málimet beretinin atap ótti.«Osyndaı aqparat shaqqan bette biz Іshki ister mınıstrligine, Ulttyq qaýipsizdik komıtetine habarlaımyz. Olar óz kezeginde atalǵan uıymdarǵa qatysty tıisti is-qımyldaryn iske asyrady»,-dedi vedomstvo basshysy.
