Erlan Saǵadıev orys tili oqýlyǵyndaǵy Petrýshevskaıanyń ertegilerine toqtaldy
ASTANA. QazAqparat - Qoǵam arasynda keńinen talqyǵa túsken orys tili oqýlyǵy reseılik sarapshylar tarabynan joǵary baǵa aldy.
Bul týraly búgin QR Parlamenti Senatynda ótip jatqan «Orta bilim berý júıesiniń jaı-kúıi, problemalary jáne zańnamalyq retteý perspektıvalar» taqyrybyna arnalǵan parlamenttik tyńdaý barysynda QR Bilim jáne ǵylym mınıstri Erlan Saǵadıev aıtty, dep habarlaıdy QazAqparat.
«Endi orys tili oqýlyǵy men ondaǵy Petrýshevskaıanyń ertegilerine toqtalaıyn. Qazirgi tańda BAQ bul týraly kóp jazýda. Birinshiden 9 aıda sarapshylar men muǵalimderden, qyzyǵýshylyq tanytqan ata-analardan 5 myń usynys kelip tústi. Olardyń tarabynan atalǵan ertegilerge qatysty eshqandaı usynys bolǵan joq. Sebebi, olar 2004 jyldan orys tili oqýlyǵynda júr. Oqýshy atalǵan oqýlyq boıynsha 1,2 myńnan astam tapsyrmadan bar-joǵy 6 ǵana tapsyrma alady», - dedi Saǵadıev.
Sonymen qatar mınıstr atalǵan oqýlyqtyń reseılik sarapshylar tarabynan óte joǵary baǵa alǵanyn basa aıtty.
«Shyndyǵynda eki orys tiliniń bolýy múmkin emes. Onyń birinde biz sóıleımiz, balalar kúndelik qoldanady. Al ekinshisi - mýzeı eksponaty sııaqty. Biz Prezıdenttiń tapsyrmasyna sáıkes mazmunyn jańartýdamyz. Biz balany barlyǵyn, tipti ol sóıleıtin tilde de oılaýǵa májbúrleımiz. Barlyq ýaqytta da keıistik tanytyp jatamyz. Ótken jyly da solaı boldy. Biraq biz 18 mıllıon adamdy bir ornynda turyp qalýǵa jol bermeımiz. Ókinishke oraı mundaı jaıt bilim berý salasynda oryn alýda», - dedi ol.
