Erlan Saǵadıev oqýshy kezinde úlgerimi qandaı bolǵanyn aıtyp berdi
ASTANA. QazAqparat - QR Bilim jáne ǵylym mınıstri Erlan Saǵadıev oqýshy kezinde gýmanıtarlyq pánder boıynsha úlgerimi qandaı bolǵanyn aıtyp berdi, dep habarlaıdy QazAqparat tilshisi.
Astananyń EKSPO aýmaǵyndaǵy «Hol-energı» alańynda Muǵalimder kúnine oraı ótip jatqan sharada Erlan Saǵadıev ustazdardy merekesimen quttyqtady.
Mınıstr óz sózinde muǵalimderdiń jalaqylary kóterilip jatqanyn aıta ketip, ustazdyq atty uly jolda pedagogtardyń bárine alǵysyn bildirdi.
Mınıstr sózin aıaqtaǵannan keıin saltanatty sharany júrgizýshi mınıstrge suraq qoıdy.
«Erlan Kenjeǵalıuly, matematıkadan úzdik oqıtyn oqýshylar ádebıet pen tildik pánderden asa myqty bola qoımaıtyny ras pa?» - dedi júrgizýshi.
Mınıstr bul suraqqa «Álbette, ras» dep jaýap berdi.
Bilim jáne ǵylym mınıstriniń jaýabyn ilip áketken júrgizýshi ile-shala «Qazirgi baldyq júıe boıynsha Sizdiń ádebıet pen tildik pánderden úlgerimińiz qalaı bolar edi?» degen ekinshi suraqty da qoıdy.
«Tildik pánder maǵan aýyrǵa tústi» - degen mınıstrdiń shynaıy jaýaby kóptiń qoshemetine ulasty.
Eske sala ketsek, Astanada Muǵalimder kúnine oraı ótkizilgen aıtýly is-sharada «Úzdik pedagog» respýblıkalyq baıqaýynyń jeńimpazdary marapattalǵan bolatyn.
