Erlan Saǵadıev muǵalimderdiń balalaryn balabaqshaǵa ornalastyrýǵa jeńildik berýdi usyndy
ASTANA. QazAqparat - Úkimet otyrysynda QR Bilim jáne ǵylym mınıstri Erlan Saǵadıev muǵalimder men balabaqsha tárbıeshilerine jeńildik jasaýdy usyndy, dep habarlaıdy QazAqparat.
«Muǵalimderge qatysty jeńildikterdiń bolmaýy problemasy bar. Osy oraıda biz tıisti usynys jasap jatyrmyz, ıaǵnı muǵalimder men tárbıeshilerge balalaryn balabaqshaǵa ornalastyrýǵa jeńildikterdi berý máselesin kóterip otyrmyz. Bul turǵyda áskerılerge jasalyp jatqan jeńildikke uqsas ustazdar men tárbıeshilerge de tıisti jaǵdaıdy qalyptastyrý qajet», - dedi mınıstr.
E. Saǵadıevtiń sózine qaraǵanda, elimizde balabaqshalar jelisi artyp kele jatqandyqtan, osyndaı normaǵa bastama jasalyp otyr.
Budan buryn habarlanǵandaı , Úkimet otyrysy barysynda mınıstr orta bilimde jańartylǵan bilim mazmunyna kezeń-kezeńmen kóshýdi jalǵasyp jatqanyn aıtqan bolatyn.
Sonymen qatar ol muǵalimder arasyndaǵy jastar sany kóbeıip keledi jatqanyn sóz etti. 2016 jylmen salystyrǵanda jas ustazdar úlesi 2,5 esege artqan. Biraq kórsetkishi tómen óńirler de bar eken. Osy oraıda Batys Qazaqstan men Qyzylorda oblystarynda jas muǵalimderdiń sany kemshin.
