Erlan Saǵadıev qaraǵandylyq pedagogtarmen ınklıýzıvti bilim máselelerin talqylady
QARAǴANDY. QazAqpaart - Búgin, 15 qazanda jumys saparymen Qaraǵandyda bolǵan QR Bilim jáne ǵylym mınıstri Erlan Saǵadıev «Kolobok» shaǵyn ortalynda jáne tehnıkalyq-qurylys kolledjine bardy. Onda qaraǵandylyq pedagogtarmen ınklıýzıvti bilim máselelerin talqylady, dep habarlaıdy óńir basshysynyń resmı saıty.
«Kolobok» jekemenshik shaǵyn-ortalyǵynda Erlan Saǵadıev balalardy túzeý qyzmetiniń jumysymen tanysty. Ortalyqta sóıleý qabileti jáne psıhıkalyq densaýlyǵy buzylǵan búldirshinderge arnalǵan toptar bar. Olarmen logopedter, psıhologtar jáne defektologtar aınalysady. Sondaı-aq ortalyqta sensorlyq bólmeler, psıhomotorıka kabıneti, emdik dene shynyqtyrý kabıneti ashylǵan.
Qazir erekshe bilim alý qajettilikteri bar balalar bólek dáris alady, alaıda shaǵyn ortalyq ákimshiligi ınklıýzıvti toptar qurýdy josparlap otyr. Ol úshin toptardaǵy erekshe balalardyń sanyn retteıtin normalar bolýy tıis, biraq ázirge bul zań joq. Sondaı-aq pedagogtar barlyq jerlerde ınlıýzıvti bilim engizilýine baılanysty tárbıeshilerdiń biliktiligi týraly máseleni kóterdi. «Koloboktyń» quryltaıshylarynyń biri Nazym Járkenova óziniń shaǵyn ortalyǵy bazasynda biliktilikti arttyrý kýrstaryn uıymdastyrýdy usyndy.
- Biz tárbıeshilerdiń biliktiligin arttyrýǵa qarajat qarastyramyz. Qazir qalaı oń sheshim qabyldasaq eken dep oılap otyrmyz: jergilikti jerde qysqamerzimdi kýrstar ótkizý úshin qarajatty aımaqtarǵa aýdarsaq pa álde «Órleý» biliktilikti arttyrý ulttyq ortalyǵy arqyly jobany júzege asyrsaq pa dep oılaýdamyz. Biraq kýrstardy aıaqtaǵan soń tárbıeshiler testiden ótýleri kerek bolady. Biz pedagogtyń sanatyna baılanysty jańa aılyq aqy jelisin engizemiz, - dep túsindirdi bilim mınıstri.
Qaraǵandy tehnıkalyq-qurylys kolledjinde de Erlan Saǵadıev ınklıýzıvti bilim berý baǵdarlamasynyń engizilýi barysy týraly surady. Bilim ordasynda arbamen júretinder úshin ekinshi qabatqa kóterile alatyn platforma jasalǵan. Múmkindigi shekteýli oqýshylardy qazir qarashanyń 11-i men 17-i aralyǵynda Ijevskide ótetin paradelfıı oıyndaryna daıyndap jatyr.
Sonymen qatar mınıstrge stýdentterdiń ІT-tehnologııalar salasyndaǵy zerttemeleri kórsetildi. Onyń ishinde múmkindigi shekteýli adamdarǵa arnalǵan «aqyldy kabınet» maketi usynyldy. Ol bólmede jaryqty qosý nemese terezeni ashý arnaıy mobıldi qosymshanyń arqasynda júzege asyrylady. Erlan Saǵadıevke ótken jyly Meıkaton festıvalinde stýdentterge bas júldeni alýǵa múmkindik bergen ekzoskelet te kórsetildi. Mınıstr stýdentterdiń atqarǵan jumystaryna rıhzashylyǵyn bildirip, taǵy bir márte ınklıýzıvti bilim berýdi engizý óte mańyzdy ekenin atap ótti.
Erlan Saǵadıev sondaı-aq jaqyn ýaqytta arbaǵa tańylǵan balalar úshin balabaqshalardaǵy memlekettik tapsyrys somasy ulǵaıatynyn jetkizdi. Ol aıyna 78 myń teńgeni quraıtyn bolady. Qazir erekshe kútimdi qajet etetin balalarǵa aıyna 52 myń teńge bólinedi.
