Erlan Nysanbaev QR ekologııa, geologııa jáne tabıǵı resýrstar vıtse-mınıstri qyzmetinen bosatyldy

NUR-SULTAN. QazAqparat - QR Úkimetiniń Qaýlysymen Erlan Nuralyuly Nysanbaev QR ekologııa, geologııa jáne tabıǵı resýrstar vıtse-mınıstri qyzmetinen bosatyldy. Bul týraly QR Premer-Mınıstriniń baspasóz qyzmeti habarlaıdy.

Erlan Nysanbaev 1961 jyly Almaty oblysynda dúnıege kelgen. Qazaq Eńbek Qyzyl Tý ordendi aýyl sharýashylyǵy ınstıtýtyn, Abaı atyndaǵy Qazaq ulttyq pedagogıkalyq ýnıversıtetin bitirgen. Eńbek jolyn 1983 jyly bastaǵan. Túrli jyldary kommertsııalyq sektor men memlekettik qurylymdarda jumys istedi. 2014-2019 jj. – QR aýyl sharýashylyǵy vıtse-mınıstri. 2019 jylǵy shildeden bastap qazirge deıin QR ekologııa, geologııa jáne tabıǵı resýrstar vıtse-mınıstri qyzmetin atqardy.