Erlan Nurmuhambetovtiń «Jańǵaq tal» fılmi Pýsan festıvalinde top jardy
ASTANA. QazAqparat - Qazaqstandyq rejısser Erlan Nurmuhambetov Koreıadaǵy Pýsan festıvalinde álemdik premerany ótkizdi. Kınokartına baıqaý kórsetilimine qatysyp, New Currents («Jańa aǵym») sektsııasy aıasynda jeńiske jetti.
Qazaqstandyq fılmmen birge bul sektsııada ırandyq rejısser Hadı Mogaheda (Hadi Mohaghegh) «Bessmertnyı» fılmi de úzdik atandy. Ár rejısser ózimen 30 myń dollardan áketedi.
«Jańǵaq tal» fılmi negizinde kádimgi otbasynyń arasyndaǵy qarym-qatynastar sýretteledi.
«Bul týyndy ıýmor, jaqsylyq jáne keshirim bizdiń bárimizdi biriktiretindigin dáleldeıdi», - dedi belgili taıvan aktrısasy jáne rejısser Sılvııa Chjan.
Eki rejısserdi da senbi kúni festıvaldyń jabylýynda marapattaıdy dep kútilýde.
Atap ótý kerek, rejısser óziniń fılminiń álemdik premerasyn festıval aıasynda ótkizdi. Barlyǵy festıvalde 94 fılmniń álemdik premerasy boldy.
Eske sala keteıik, 2015 jyly 1 jáne 10 qazan aralyǵynda Pýsan (Ońtústik Koreıa) qalasynda 20-shy halyqaralyq kınofestıval ótti. Bıyl oǵan75 eldiń 302 fılmi qatysty.
