Erlan Nurǵalıevtiń erligi - tabıǵat pen jan-janýarlar álemin qorǵaý mıssııasynyń sımvoly
Elbasynyń Jarlyǵymen búgin qyzmettik boryshyn atqarý ústinde kórsetken erjúrektigi men janqııarlyǵy úshin brakonerlermen alysqan marqum Nurǵalıev Erlan Balǵabekuly men Nıtsyk Petr Alekseevıchke ІІІ dárejeli «Barys» ordeni beriletin boldy. Osy rette túz dalada brakonerlermen alysqan eki ınspektordyń oqıǵasy men erligin oqyrmannyń esine sala ketýdi jón kórip otyrmyz.
Oqıǵa qalaı bastaldy
«Ohotzooprom» ÓB» RMQK ınspektorlary Qaraǵandy oblysynyń Nura aýdanynyń aýmaǵyna reıd júrgizý barysynda atyp alynǵan 5 kıikti tabady. Kıikti atqan adamdardyń izine túsken ınspektorlar memlekettik tirkeý nómiri joq eki kólikti qýyp, onyń birin toqtatqan. Avtokólikti tekserý barysynda belgisiz adamdar qarsylyq kórsetken. Sonyń saldarynan bir ınspektordyń jaǵy synyp, pyshaq jaraqatyn alsa, ekinshi ınspektordyń mıy shaıqalyp, es-túsinen aıyrylyp qalǵan.
«Inspektorlar kólikterdiń birin toqtatqan kezde odan úsh adam shyǵyp, qarsylyq kórsetken. Olar P.Nıtsyk pen E.Nurǵalıevti soqqyǵa jyqqan. Sonymen qatar olar ınspektorlardyń kóliginiń kilti men GPS qurylǵylaryn alyp ketken. Osy áreketteri arqyly olar ınspektorlardy ólim aýyzynda qasaqana qaldyrǵan. Nıtsyk birinshi esin jıyp, es-tússiz jatqan Nurǵalıevti kórgen. Sodan keıin radıo arqyly ekinshi ekıpajǵa habar bergen», - dedi QR AShM resmı ókili Sáken Qalqamanov.
Aqyry, dárigerler qutqara almaı, Erlan Nurǵalıev ajal qushady.
Inspektordyń óltirilýi men brakonerlerdiń shekten tys bassyzdyǵy qoǵamdy beı-jaı qaldyrǵan joq. Áleýmettik jeliler men BAQ bul máseleni jarysa jazyp, memlekettik organdar da til qatty. Tipti QR Bas prokýrory Qaırat Qojamjarov Qaraǵandy oblysynda brakonerlermen qaqtyǵysta zardap shekken ınspektorlar boıynsha isti jeke baqylaýyna aldy.
Tergeý qalaı júrdi?
«Polıtsııa departamenti osy aýyr qylmysty jasaǵan kúdiktilerdi anyqtaý boıynsha jedel izdestirý sharalaryn júrgizýde. Sonymen qatar, Іshki ister mınıstrligi ortalyq apparatynyń qyzmetkerleri jergilikti polıtsııaǵa kómek kórsetý úshin Qaraǵandy oblysyna attandy. Qysqa merzimde bul qylmystyń beti ashylatyndyǵyna senimdimin. ıAǵnı kúdiktiler anyqtalyp, qamaýǵa alynady», - degen edi Bas prokýrordyń orynbasary Alekseı Lýkın.
Qoǵam tarapynan «ınspektordy óltirgen brakonerler yqpaldy adamdar bolyp, jazadan qutylyp ketpes pe eken?» degen sekemniń de bolǵany qupııa emes. Alaıda arada kóp ótpeı, QR ІІM Іshki jáne syrtqy kommýnıkatsııalar departamentiniń dırektory Almas Sadýbaev sol iske qatysty brakonerlerdiń barlyǵy anyqtalǵanyn habardar etti.
«Atalǵan fakt boıynsha Qaraǵandy oblystyq polıtsııa departamenti Tergeý basqarmasymen QR QK 99 baby 2 tarmaǵynda kózdelgen qylmys belgileri boıynsha sotqa deıingi tergeý júrgizilip jatyr. Búgingi kúni keshendi tergeý sharalarynyń nátıjesinde atalǵan qylmysty jasaýǵa qatysy bar barlyq tulǵalar anyqtaldy. Qazirgi ýaqytta olardy ustaýǵa baǵyttalǵan jumystar júrgizilip jatyr», - dedi Almas Sadýbaev.
Buqaralyq aqparat quraldarynda jaraqat alǵan ınspektordy aýrýhanaǵa jetkizýge kóp ýaqyt ketti degen aqparat taraǵan bolatyn. Osy oraıda tilshiler tarapynan Іshki ister mınıstri Qalmuhanbet Qasymovqa «tabıǵat qorǵaý ınspektorlaryn aýrýhanaǵa avıatsııamen nege tasymaldamady?» degen saýal qoıyldy.
«Qylmyskerler oqıǵa ornynan qashqan kezde ınspektor kóliginiń kiltin alyp ketken jáne olardan navıgatordy tartyp alǵan. Sondyqtan ınspektorlardyń ekinshi kóligi jaraqat alǵandardy birden taba almady. Osyǵan baılanysty soqqyǵa jyǵylǵan ınspektordy aýrýhanaǵa jetkizgenshe, biraz ýaqyt ketti. Kún raıyna baılanysty tikushaqty áýege kótere almadyq. ıAǵnı, TJ tikushaǵyn paıdalana almadyq, sebebi qolaısyz aýa raıyna baılanysty bizge ruqsat berilmedi», - dedi mınıstr.
Oqıǵa oryn alǵannan keıin araǵa apta salyp, ınspektor Erlan Nurǵalıevtiń ólimine qatysty kúdiktiler ustaldy.
«Búgin ІІM Qylmystyq polıtsııa departamenti qyzmetkerleriniń Qyzylorda oblysyndaǵy arnaıy operatsııasynyń nátıjesinde jeke úılerdiń birinen «Ohotzooprom» ÓB» RMQK ınspektory Nurǵalıev Erlan Balǵabekulynyń óltirilýine qatysty úsh kúdikti ustaldy», - dep habarlady QR ІІM Memlekettik til jáne aqparat departamentiniń dırektory Almas Sadýbaev.
Qazirgi ýaqytta tergeý amaldary júrgizilip jatyr. Kúdiktilerdiń úsheýi de ýaqytsha oqshaýlaǵyshqa qamalǵan. Sotqa deıingi tergeý amaldary áli de jalǵasýda.
Memlekettik marapatqa laıyq...
Erlan Nurǵalıevtiń syn saǵatty erligi halyqty da, halyq qalaýlylaryn da beı-jaı qaldyrǵan joq. Osydan birneshe kún buryn Májilis depýtattary ınspektor Erlan Nurǵalıevke «Halyq qaharmany» ataǵyn berýdi usynǵan bolatyn.
«Qoryqshy Erlan Nurǵalıevtiń qazasy qoǵamnyń biteý jarasyndaı bolyp syzdap jatqan osyndaı problemalaryn ashyp, jarııa etti. Ómiriniń sońyna deıin antyna adal bolyp, memlekettik qyzmet kezinde sháıit ketken arysymyz Erlandy búkil qoǵam, jurtshylyq bolyp joǵary memlekettik nagradaǵa usynýda. Tipti eriktiler qaharman uldy máńgi este qaldyrý úshin onyń dala erkesi quralaıdy qushaqtap turǵan sýretiniń negizinde eskertkish turǵyzý úshin qarjy jınaýdy bastap ta ketti. Munyń bári halyqtyń qaharman ulynyń erligin joǵary baǵalaıtynyn kórsetedi. Qaraqshylarmen shaıqasta batyrlyq kórsetken Erlannyń serigi P.A.Nıtsyk te memlekettik marapatqa laıyq dep esepteımiz. Májilistegi «Halyq kommýnısteri» Fraktsııasynyń músheleri, jurtshylyqtyń pikirine qoldaý bildire otyryp, óz ómirin týǵan jeri men týǵan tabıǵatyn qorǵaý kezinde qandy qol qaraqshylardyń qolynan qaza tapqan Erlan Nurǵalıevke «Halyq qaharmany» ataǵyn berýdi usynady jáne onyń esimin máńgi este qaldyrý boıynsha tıisti sharalar qabyldaýdy suraımyz. Marqum Erlan Nurǵalıev syn saǵatta, sońǵy demi úzilgenshe antyna adal kúıinde qaldy. Erlannyń ómiri óskeleń urpaq úshin jarqyn úlgi», - degen edi Jambyl Ahmetbekov.
Halyqtyń da, halyq qalaýlylarynyń da ótinishi búgin oryndalyp, marqum Erlan Nurǵalıev pen Petr Nıtsykqa ІІІ dárejeli «Barys» ordeni berilip otyr. Aqordanyń Feısbýktegi paraqshasynda marapattalǵan tabıǵat qorǵaý ınspektorlary Erlan Nurǵalıev pen Petr Nıtsyktyń nagradalarynyń sýreti jarııa etildi.
P.S. Erlan Nurǵalıev óz erligimen, adaldyǵymen urpaqqa úlgi kórsetip ketti. Elim degen esil erdiń esimi el jadynda saqtalary haq. Marqumnyń jatqan jeri jaıly, topyraǵy torqa bolsyn...
