Erlan Nysanbaev pen Shyńǵys Árinov órt sóndirý jumystaryn úılestirip jatyr
ASTANA. KAZINFORM — Saǵat 20:00-degi jaǵdaı boıynsha órtti joıý jumystaryna 600-ge jýyq adam, 148 jerústi tehnıkasy jáne ETRM, TJM, UQK, QM, ІІM jáne JAO-nyń 7 tikushaǵy jumyldyrylǵan.
Áýeden sóndirý jumystary barysynda 123 ret sý tógý júzege asyryldy, órt oshaǵyna 157 tonna sý jetkizildi.
Órt ornyna Ekologııa jáne tabıǵı resýrstar mınıstri Erlan Nysanbaev jáne Tótenshe jaǵdaılar mınıstri, general-leıtenant Shyńǵys Árinov keldi. Vedomstvo basshylary jumyldyrylǵan kúshter men quraldardyń jumysyn úılestirip jatyr.
Jaǵdaı Qazaqstan Respýblıkasynyń Premer-mınıstriniń jeke baqylaýynda. Oqıǵa ornynda barlyq tartylǵan memlekettik qyzmet jumys istep jatyr.
Qazirgi ýaqytta orman órtin tolyq joıý boıynsha jumystar jalǵasyp jatyr.
Aıta ketelik Semeı ormanyndaǵy órt 60 gektar aýmaqty sharpydy. Sonymen qatar «Semeı ormany» rezervatynda órt shyqqan soń lagerdegi 200-ge jýyq bala evakýatsııalandy. Premer-mınıstrdiń tapsyrmasymen eki mınıstr «Semeı ormanyna» attandy. Sonymen qatar Qorǵanys mınıstrliginiń avıatsııasy Abaı oblysyndaǵy órtti sóndirýge jumyldyryldy.
