Erlan Nysanbaev Ekologııa jáne tabıǵı resýrstar mınıstri bolyp qaıta taǵaıyndaldy

ASTANA. KAZINORM — Erlan Nysanbaev Ekologııa jáne tabıǵı resýrstar mınıstri qyzmetine qaıta taǵaıyndaldy.

«Memleket basshysynyń Jarlyǵymen Erlan Nuralyuly Nysanbaev Qazaqstan Respýblıkasynyń Ekologııa jáne tabıǵı resýrstar mınıstri laýazymyna taǵaıyndaldy», — delingen Aqordanyń saıtynda.

Aıta keteıik, Erlan Nuralyuly 1961 jyly Almaty oblysynda týǵan.

Qazaq aýylsharýashylyq ınstıtýtyn, Abaı atyndaǵy Qazaq ulttyq pedagogıkalyq ýnıversıtetin bitirgen.

Eńbek jolyn 1983 jyly Almaty oblysynda Uıǵyr orman sharýashylyǵynyń sheberi bolyp bastaǵan.

1984-1989 jyldary Almaty oblysy Uıǵyr aýdandyq komıtetinde nusqaýshy, Uıymdastyrý bólimi meńgerýshisiniń orynbasary bolyp jumys istegen.

1989-1991 jyldar aralyǵynda Almaty oblystyq komıteti Aýyl sharýashylyǵy bóliminiń sektor meńgerýshisi bolǵan.

1991-2004 jyldary kommertsııalyq uıymdar qurylymynda jumys istedi.

2004-2009 jyldar aralyǵynda «Astana kógaldandyrý qurylysy» AQ-da basshylyq laýazymdar atqarǵan.

2009 jyly QR Aýyl sharýashylyǵy mınıstrligi Orman jáne ańshylyq sharýashylyǵy komıtetiniń tóraǵasy qyzmetine taǵaıyndaldy.

2013-2014 jyldary QR qorshaǵan orta jáne sý resýrstary mınıstriniń orynbasary qyzmetin atqarǵan.

2014-2021 jyldary — QR aýyl sharýashylyǵy, QR ekologııa, geologııa jáne tabıǵı resýrstar mınıstriniń orynbasary.

2021-2023 jyldar aralyǵynda S. Seıfýllın atyndaǵy Qazaq agrotehnıkalyq ýnıversıtetiniń Strategııalyq damý jáne halyqaralyq baılanystar basqarmasy tóraǵasynyń orynbasary laýazymynda qyzmet atqarǵan.

2023 jylǵy naýryzdan bastap — Astana qalasy ákiminiń keńesshisi.

2023 jylǵy 5 qyrkúıekte QR Prezıdentiniń Jarlyǵymen QR ekologııa jáne tabıǵı resýrstar mınıstri bolyp taǵaıyndaldy.