Erlan Nysanbaev AÓSShK mınıstrlerine: Biz kıik sanyn 21 myńnan 2,8 mln basqa deıin kóbeıte aldyq
ASTANA. KAZINFORM – Ekologııa jáne tabıǵı resýrstar mınıstri Erlan Nysanbaev Azııadaǵy ózara is-qımyl jáne senim sharalary jónindegi keńeske múshe memleketterdegi áriptesterine tuqymy qurýǵa jaqyn qalǵan kıik sanyn 20 jyldyń ishinde qalaı kóbeıtkenin aıtty.
«Bizdiń memleketter (AÓSShK-ge múshe elder -red.) ósimdikter men janýar qorynyń kólemi boıynsha álemde jetekshi oryndarda tur.
Bizge ózimizdegi sırek kezdesetin janýarlar popýlıatsııasyn saqtaý baǵytyndaǵy yntymaqtastyqty jandandyrý qajet.
Mysaly, Qazaqstannyń Edil-Jaıyq kıikteriniń popýlıatsııasyn qalpyna keltirýdegi oń tájirıbesi bar. Oral popýlıatsııasyndaǵy aqbókenderdiń sany 2003 jyly 21 myń bas bolsa, bıyl 2,8 mıllıonǵa deıin ósti», - dedi ol AÓSShK-ge múshe memleketter mınıstrleriniń ekologııa máselelerine arnalǵan konferentsııasynda.
Sondaı-aq, ol 2025 jyly Іle men Balqashtyń boıyndaǵy 415 myń gektar aýmaqqa Reseıden 3-4 bas jolbarys jiberý josparda bar ekenin aıtty.
«Biz AÓSShK elderiniń sırek kezdesetin jáne qonys aýdaratyn janýarlar túrlerin saqtaý jónindegi is-sharalar josparyn ázirleýdi usynamyz», - dedi mınıstr.
