Erlan Qusaıyn Qaraǵandy oblysy ákiminiń orynbasary bolyp taǵaıyndaldy
Qarqaraly aýdanynyń ákimi qyzmetin atqarǵan Erlan Qusaıyn Qaraǵandy oblysy ákiminiń orynbasary bolyp taǵaıyndaldy. Ol bilim, mádenıet, sport, jastar jáne ishki saıasat máselelerine jetekshilik etedi, dep habarlaıdy Kazinform.
Erlan Qusaıynnyń úsh joǵary bilimi bar: E. A. Bóketov atyndaǵy Qaraǵandy memlekettik ýnıversıtetin «qazaq tili men ádebıetiniń oqytýshysy» mamandyǵy boıynsha, Qaztutyný odaǵynyń Qaraǵandy ekonomıkalyq ýnıversıtetin «ekonomıka salasyndaǵy quqyqtyq retteý» mamandyǵy boıynsha, QR Prezıdenti janyndaǵy Memlekettik basqarý akademııasynyń magıstratýrasyn bitirgen.
Eńbek jolyn 1999 jyly qazaq tili pániniń muǵalimi bolyp bastaǵan.
2007 jyldan beri memlekettik qyzmette.
Qaraǵandy oblysy kásipkerlik jáne ónerkásip departamentiniń qarjy, uıymdastyrý jáne kadr jumysy bóliminiń bas mamany bolyp jumys istedi.
2008 jyldan 2014 jylǵa deıin Qaraǵandy oblysy ákiminiń baspasóz qyzmetinde túrli qyzmetter atqardy.
Sodan keıin Buqar jyraý aýdany ákiminiń orynbasary bolyp jumys istedi.
2015 jyldan 2018 jylǵa deıin oblys ákimi apparatynyń Qazaqstan halqy Assambleıasy hatshylyǵynyń basshysy boldy.
Qaraǵandy oblysy ákimi apparatynyń «Qoǵamdyq kelisim» memlekettik mekemesiniń dırektory, ishki saıasat basqarmasy basshysynyń orynbasary jáne osy basqarmanyń basshysy boldy.
2022 jyldyń sáýirinen bastap Qarqaraly aýdanynyń ákimi qyzmetin atqardy.
