Erlan Kúmisqalıev: Erekshe balalardy endi at sportyna daıyndaımyn
«Atyraý. Malenkaıa strana» qoǵamdyq uıymynyń jetekshisi Erlan Kúmisqalıev Qurmanǵazy aýdandyq ortalyqtandyrylǵan kitaphana uıymdastyrǵan shara barysynda osylaı málim etti.
Qazir túrli dıagnoz qoıylǵan bul sábılerdiń ómiri qyl ústinde tur. «Kanısterapııa» dep atalatyn ádisti qoldanǵan dáriger emniń qyr-syrymen bólisti.
Dúnıege kemtar bolyp kelgen balanyń júzinen kúlkimen qýanyshty kórý úshin bárine daıar bolǵan jan olardy Máskeýdiń «Solnechnyı pes» ortalyǵynan úırengen ádis-tásilderi boıynsha Kanısterapııa, ıaǵnı ıtpen emdeýdi qolǵa alady. Onymen aınalyspas buryn Erlan kásipker bolǵan eken. Qymbat kólik miný, ádemi kıiný, keremet qalalardy aralaý onyń armany emes. Eń bastysy, balalardyń saýyǵyp, el qatarly ómir súrýi oǵan qýanysh syılaıdy. Baqyttyń ne ekenin Erlan osylaı túsinedi. «Emdeý ádisin alǵashynda týystarymnyń múmkindigi shekteýli balalaryna qoldanyp kórdim», - deıdi Erlan Kúmisqalıev.
Ol turǵyndarmen kezdesý barysynda, ıttiń qasynda bala ózin anaǵurlym jaıly sezinedi. Jeti qazynanyń biri sanalatyn úı janýary balanyń psıhıkalyq damý problemasynan qutylýyna kómektesedi eken. Qoǵamdyq birlestiktiń jumysy osydan 5 jyl buryn ashylǵan. Osy ýaqyt aralyǵynda kanısterapııa ádisi arqyly ár túrli syrqatqa shaldyqqan júzdegen bala em-domnan ótken.
«Altyn júrekti adam» retinde tanylǵan Erlan Kúmisqalıev «endi erekshe balalardy at sporty oıyndarynan ótkizilip júrgen halyqaralyq paralımpıadalarǵa daıyndaýdy qolǵa almaqshymyn», - deıdi ol.
Aıta ketelik, «Rýhanı jańǵyrý» baǵdarlamasy aıasynda «100 jańa esim» jobasyna aty engizilgen Erlan Kúmisqalıev birneshe jyldan beri júıke júıesi zaqymdanǵan balalardy tegin emdep keledi.
Avtor: Abaı AQMURZIEV