Erlan Qojaǵapanovqa shyǵarylǵan úkim kúshinde qaldy – sot sheshimi

ASTANA. KAZINFORM – Elorda soty burynǵy Mádenıet jáne sport vıtse-mınıstri Erlan Qojaǵapanovqa shyqqan úkimge túsken apellıatsııalyq shaǵym boıynsha sheshim shyǵardy.

Eks-sheneýnik sot úkimimen 3 jyl jaza arqalady, biraq, eks-vıtse-mınıstrdi qorǵaýshy tarap úkimmen kelispeı apellıatsııalyq shaǵym túsirdi. Búgin sot sheshimimen apellıatsııalyq shaǵym qanaǵattandyrylmady, ıaǵnı jaza sol kúıinde qaldy.

Odan bólek, burynǵy mınıstr orynbasarynyń atalǵan qylmystyq is boıynsha sybaılasy SUCCESS K agenttiginiń burynǵy bas dırektory Lázzat Kókkózova da sot alǵash taǵaıyndaǵan jazany óteıtin boldy – 5 jyl merzim.

Eske salaıyq, byltyr 1 naýryzda Sybaılas jemqorlyqqa qarsy qyzmet Mádenıet jáne sport eks-vıtse-mınıstrin aýyr jemqorlyq qylmys jasady degen kúdik boıynsha ustady. 

Antıkordyń aqparatynsha, ol 2018 jyly Petropavl qalasynda Qazaqstan Respýblıkasy men Reseı Federatsııasynyń XV óńiraralyq yntymaqtastyq forýmynyń kórmesin uıymdastyrý boıynsha shart jasasýdy qoldaǵan.

Bıyl mamyrda burynǵy vıtse-mınıstr Erlan Qojaǵapanovǵa qatysty sot úkimi shyqty. Al tamyzda Erlan Qojaǵapanovty qorǵaýshy tarap sot úkimine shaǵym túsirdi. 

Sondaı-aq burynǵy Mádenıet jáne sport vıtse-mınıstri Erlan Qojaǵapanov sottan ózin aqtaýdy surady.

Al prokýror eks-vıtse-mınıstrge jazany qatańdatýdy talap etti. 

Keshe ótken sot otyrysynda Erlan Qojaǵapanov 910 mıllıon teńgeden astam qarajat jalǵan shart arqyly shyǵarǵany aıtyldy. 

Osylaısha Erlan Qojaǵapanovty qorǵaýshy tarap sot úkimimen biraz kúresti.