Erlan Qojaǵapanov vırýstan qalaı qorǵanatynyn aıtty

ALMATY. QazAqparat – Almaty ákiminiń birinshi orynbasary Erlan Qojaǵapanov onlaın brıfıng barysynda koronavırýstan qalaı qorǵanyp júrgenin aıtty, dep habarlaıdy QazAqparat tilshisi.

Sheneýnik brıfıngke maskasyz shyqty.

«Biz memlekettik qyzmetshimiz. 24 saǵat boıy jumys isteımiz. Men nege maskasyz shyqqanymdy aıtaıyn. Qazir emeýrinnen oqıtyn adamdar bar. Bizdiń sýrdoaýdarmashy qazir karantınde jatyr. Bul qaýipti ekeni ras», - dedi ol.

Ol vırýstan sarymsaqpen, S dárýmeni, lımonmen qorǵanýǵa keńes berdi.

«Men barlyǵyna osyndaı usynys aıtamyn. Sonymen qatar, qazaqstandyq sarymsaq jegen durys. Óıtkeni, basqa elden kelgen kókónistiń dámi joq. Sol úshin vırýsqa qarsy kúshi joq. Sonymen qatar, ımmýnıtetke eń bastysy durys uıqy kerek. Qazir ol úshin bizdiń azamattarda barlyq múmkindik bar», - dedi ol.