Erlan Qojaǵapanov bostandyqqa shyqty
ASTANA.KAZINFORM — Sybaılas jemqorlyq qylmysy úshin sottalǵan Qazaqstannyń burynǵy sport vıtse-mınıstri Erlan Qojaǵapanov bostandyqqa shyqty.
Qylmystyq-atqarý júıesi komıtetiniń málimetinshe, sottalǵan azamat jazasyn qylmystyq-atqarý júıesi mekemesinde bas bostandyǵynan aıyrý túrinde ótegen.
— Sot qaýlysynyń negizinde sottalýshynyń ótelmegen eki aılyq bas bostandyǵynan aıyrý jazasy neǵurlym jeńil jaza túrine — aıyppulǵa aýystyryldy, — dep habarlady komıtet.
Vedomstvonyń atap ótýinshe, jazanyń ótelmegen bóligin jeńil jazaǵa aýystyrý, shartty túrde merziminen buryn bosatý jáne úkimniń oryndalýyna qatysty ózge de máselelerdi qaraý men sheshim qabyldaý sot organdarynyń aıryqsha quzyretine jatady.
Buǵan deıin Baqytgúl Hamenova jazasyn túrmede emes, úıde óteıtinin jazǵanbyz.
