Erlan Qoshanovtyń usynysymen OSK-niń jańa múshesi taǵaıyndaldy
ASTANA. KAZINFORM — Májilistiń jalpy otyrysynda Ásel Bolatqazyqyzy Janábilova Ortalyq saılaý komıssııasynyń múshesi bolyp taǵaıyndaldy.
Onyń kandıdatýrasyn Májilis tóraǵasy Erlan Qoshanov usyndy.
— Konstıtýtsııamyzdyń 57, 58-baptary boıynsha palata tóraǵasynyń usynýymen Parlamenttiń ár palatasy Ortalyq saılaý komıssııasynyń eki múshesin qyzmetke taǵaıyndaıdy. Osyǵan baılanysty bul qyzmetke Ásel Bolatqazyqyzy Janábilovanyń kandıdatýrasyn usynyp otyrmyn, — dedi Májilis spıkeri.
Depýtattar bul usynysty bir aýyzdan jaqtap, Ásel Janábilovany OSK múshesi etip taǵaıyndaý týraly sheshim qabyldady.
Ol 1969 jyly 28 shilde aıynda Almaty qalasynda dúnıege kelgen.
1991 jyly S. M. Kırov atyndaǵy QazMÝ-dyń zań fakýltetin bitirgen. Keıinirek «qarjy jáne ekonomıka» mamandyǵy boıynsha ekinshi joǵary bilim alady.
1993 jyldan bastap Almaty qalasynda notarıýs bolyp qyzmet atqardy.
1997 jyldan 2000 jylǵa deıin notarıat isteri jónindegi bólimniń bastyǵy, Ádilet mınıstrliginiń zań qyzmetterin uıymdastyrý basqarmasynyń bastyǵy bolyp qyzmet atqardy.
2000 jyldyń 18 aqpanynan búginge deıin Respýblıkalyq notarıattyq palatanyń tóraǵasy bolyp jumys istegen.
Aıta keteıik, búgin Májilis úsh jyldyq respýblıkalyq bıýdjetti talqylap jatyr.