Erlan Qoshanov vırtýaldy qabyldaý ashty
Budan bylaı Tvıtterdegi resmı paraqshamen qatar Qaraǵandy oblysy ákimdiginiń resmı saıtynda Vırtýaldy qabyldaý jumys isteıtin bolady.
«Qaraǵandy oblysynyń aýmaǵynda 1 mıllıon 400 myń adam ómir súredi. Olardyń kópshiliginde keıde jergilikti bılik organdaryna júginetin problemalar týyndaıdy. Alaıda, ár túrli sebeptermen oblys basshylyǵynyń jeke qabyldaýyna kirýge múmkindigi joq», - dep jazdy Erlan Qoshanov saıtqa kelýshilerge arnaǵan úndeýinde. Oblys ákimi Vırtýaldy qabyldaý asa ótkir máselelerdi jedel sheshýge jáne olardy dereý anyqtaýǵa kómektesedi dep atap ótti. Keri baılanystyń jańa formaty jergilikti atqarýshy organdar jumysynyń monıtorıngine aınalady. Eshbir ótinish qaraýsyz qalmaıdy, dep sendirdi aımaq basshysy. Esterińizge sala keteıik, Qaraǵandy oblysynda jergilikti sheneýnikter halyqpen ınternet arqyly sóılesýi burynnan qalyptasqan. Barlyq qalalar men aýdandardyń ákimderi áleýmettik jelilerde ózderiniń resmı paraqshalaryn ashty. Budan basqa, azamattardyń eskertýleri men usynystaryna jedel den qoıý úshin Qaraǵandyda arnaıy jańa joba engizilýde. Jaqyn arada biryńǵaı úılestirý ortalyǵy ashylady. 112 telefon nómiri boıynsha turǵyndar órt sóndirý, jedel járdem, polıtsııa shuǵyl qyzmetterimen habarlasa alady. Al 109 nómiri boıynsha qalalyq ortanyń TKSh, kóriktendirý jáne t. b. Máselelerge qatysty ótinishter, shaǵymdar men usynystary qabyldanady. Turǵyndardyń yńǵaılylyǵy úshin Qaraǵandy ákimdiginde qazirgi ýaqytta Open Karaganda jobasy júzege asyrylýda. Munda biryńǵaı tereze qaǵıdaty boıynsha Ashyq qyzmet kórsetý engiziletin bolady, bul memlekettik qyzmetterdi alý úshin kedergilerdi azaıtady. Open Karaganda zaly qala ákimdiginiń ǵımaratynda ornalasady. Osyndaı front-keńseler Qaraǵandy oblysynyń qalalary men aýdandarynda ashylýda.