Erlan Qoshanov: Uzaq jyldan beri alǵash ret Ulttyq qorǵa qol jaımaıtyn bıýdjet qabyldadyq
ASTANA. KAZINFORM — tóraǵasy Erlan Qoshanov 2026-28 jyldarǵa arnalǵan respýblıkalyq bıýdjettiń basty artyqshylyǵyn atady.
— Bıýdjet jobasy uzaq jyldan beri alǵash ret Ulttyq qordan qosymsha nysanaly transferttersiz ázirlenip otyr. Bul — tolyqqandy, Ulttyq qordyń qoldaýyna súıenbegen bıýdjet qabyldadyq degen sóz. Mundaı nátıje Memleket basshysynyń qarjy-bıýdjet júıesin jetildirý jóninde bergen tapsyrmasyn kezeń-kezeńimen iske asyrýdyń arqasynda múmkin bolyp otyr, — dedi palata spıkeri.
Onyń sózinshe, bıýdjettiń áleýmettik baǵdary saqtalyp otyr.
— Halyqqa qoldaý kórsetý — basymdyq bolyp qala beredi. Mektepter men aýrýhanalar, mádenıet pen sport nysandaryn salý men rekonstrýktsııalaýǵa qomaqty qarjy baǵyttalady. Budan bólek, ekonomıkanyń naqty sektoryn qoldaý sharalary ulǵaıtylady. Onyń ishinde óńirlerdegi jańa ınvestıtsııalyq jobalar úshin «Báıterek» holdınginiń qaıtarymdy qarjylandyrýy arqyly da qoldaý kórsetiledi. Ol turaqty ekonomıkalyq ósim men jumyspen qamtýǵa jol ashady, — dedi Erlan Qoshanov.
Májilis tóraǵasy úsh jyldyq bıýdjet jobasynda óńirlerdi qarjylandyrý boıynsha másele bar ekenin aıtady.
— Búginde salyq túsimderiniń bir bóligin jergilikti deńgeıge berý zańnamalyq túrde bekitildi. Bul tásil qazirdiń ózinde oń nátıje bere bastady. Kóptegen oblysta kirister josparyn artyǵymen oryndaý baıqalýda. Jergilikti bıýdjetter qarjylyq mindetterdi sheshýde ornyqty ári derbes bola tústi. Osy rette, paıda bolǵan qosymsha qarajat túrli ımıdjdik bastamalarǵa emes, bastalǵan jobalardy aıaqtaýǵa jáne áleýmettik mańyzy bar jobalarǵa baǵyttalýy qajet. Úkimet pen depýtattar osy protsesti qadaǵalaýǵa tıis, — dedi Májilis spıkeri.
Aıta keteıik, búgin Májilistiń jalpy otyrysynda 2026-2028 jyldarǵa arnalǵan respýblıkalyq bıýdjet jobasyn qabyldandy.