Erlan Qoshanov: Shuǵyl túrde kıber alaıaqtyqpen kúresti kúsheıtetin zań jobasyn ázirleımiz

ASTANA. KAZINFORM – Májilis Astana Hub pen Innovatsııalyq tehnologııalar parkin biriktirý týraly zań jobasyn ekinshi oqylymda maquldady.

- Prezıdent 2022 jyly ınternet alaıaqtyqpen kúresti uıymdastyrýdy tapsyrǵan bolatyn. Qandaı nátıje aldyq? Byltyr elde tirkelgen alaıaqtyqtyń 99%-y ınternet arqyly jasalǵan. Azamattar alaıaqtarǵa 12 mlrd teńge aýdaryp jibergen. Bul 2023 jylǵa kórsetkishten 3 ese kóp. Qylmystardyń 80%-y ǵana ashylǵan. Al aqshasyn qaıtarǵandardyń úlesi 30% ǵana, 70%-y áli qaıtara almaı júr, - dedi Murat Ábenov.

Sondaı-aq, depýtat bir adam bir kúnde óz atyna bes birdeı elektrondy tsıfrlyq qoltańba rásimdegen jaǵdaılar tirkelgenin aıtty. Bul alaıaqtardyń aıaǵyn alshań basýǵa jaǵdaı týǵyzyp otyrsa kerek.

Murat Ábenovtiń saýalyna áriptesteri Marat Báshimov pen Rınat Zaıtov ta qoldaý bildirdi. Biri droperlerdiń jaýapkershiligin qatańdatýdy usynsa, ekinshisi Qarjy uıymdary men bankterdiń jaýapkershiligin arttyrý kerektigin aıtty.

Májilis tóraǵasy Erlan Qoshanov depýtattardyń bastamasyn qoldap, shuǵyl túrde kıber alaıaqtyqpen kúresti kúsheıtetin jań azań jobasyn ázirleý týraly tapsyrma berdi.

- Kıber alaıaqtyqpen kúresti kúsheıtip, qylmystyq jaýapkershilikti barynsha qatańdatýǵa tıispiz. Sondyqtan zańdy kúsheıtpeı halyqqa qolaısyzdyq týǵyzyp otyrǵan alaıaqtardyń áreketin toqtatý múmkin emes. Ony biz durys túsinýimiz kerek. Bizdiń tıisti komıtetke shuǵyl túrde tıisti zańnyń jobasyn daıyndaýdy tapsyramyn. Ol jumysqa jańa ǵana bastama kótergen depýtattar da atsalysady dep oılaımyn, - dedi Erlan Qoshanov.

Aıta ketý kerek, jyl basynda Astana Hub rezıdentteriniń 90-nan astam elge IT-qyzmet eksporttaǵany belgili bolǵan edi.