Erlan Qoshanov shaǵyn qalalarda quzyret ortalyqtaryn qurýdy tapsyrdy

Bul - aımaqtaǵy alǵashqy Taý-ken óndirý ónerkásibi boıynsha aımaqaralyq quzyret ortalyǵy. Atalmysh alań bilim berý salasynyń mamandary men joǵary bilikti jumys kadrlaryn daıarlaıtyn jumys berýshilerdiń basyn biriktiredi. Ortalyq «ArselorMıttal Temirtaý» kompanııasy usynǵan zamanaýı qurylǵylarmen jabdyqtalǵan.

- Kompanııamen bizde jyl saıyn kem degende 8-10 joǵary deńgeıli mamandardy shyǵaratynymyz týraly kelisimshart jasalǵan. Eń birinshi kezekte biz úlgerimi joǵary eń úzdik stýdentterdi tańdap alamyz, olarmen biz osy zerthanalarda aptasyna kem degende 6-8 saǵat qosymsha dárister ótkizemiz. Bul óz kezeginde qazirgi tańda shahtalarda ornatylyp jatqan qazirgi zamanǵy quraldarmen jumys isteýde ıkemderin arttyrýǵa múmkindik beredi. Quzyret ortalyǵynda dáris alatyn stýdentter mindetti túrde «ArselorMıttal Temirtaýǵa» jumysqa turǵyzylady. Olarǵa osyndaı mamandar qajet, sebebi jańa jabdyqtar alyp, óndiristerin jańǵyrtýda, jáne de olarǵa sol qurylǵylarmen jumys isteı alatyn qyzmetkerler qajet, - deıdi kolledjdiń arnaıy pánder ustazy Gúlnár Sadyqova.

Jańa bólimsheniń jumysymen Qaraǵandy oblysynyń ákimi Erlan Qoshanov tanysyp shyqty.

- Elbasy árdaıym bilim berý sapasyna jáne stýdentterdiń jumysqa ornalasýyna erekshe nazar aýdarady. Bul quzyret ortalyǵy Indýstrııa 4.0-ge aýysýǵa qatysty barlyq qazirgi zamanǵy talaptarǵa saı keledi. Osyndaı ortalyqtardyń arqasynda jastar jumysker mamandyqtaryn meńgerip, suranysqa ıe jáne básekege qabiletti bolady. Dál osyndaı ortalyqtardy tsıfrlyq jáne aqparattyq tehnologııalardyń qarqyndy damýy shartynda básekege qabiletti jastardy qalyptastyrý qajettiligi týraly Elbasynyń tapsyrmasyn oryndaý aıasynda shaǵyn qalalarda da qurý kerek, - dep atap ótti ol.

Quzyret ortalyǵy birneshe aýmaqtardan quralady: mehatronıka, robot tehnıkasy, ınjenerlik grafıka. Oqý qurylǵylary jańǵyrtylǵan óndiris oshaqtarynda qoldanatyn jabdyqtarǵa uqsas.
Munda stýdentter tsıfrlaý tehnologııalary bar zamanaýı kásiporyndardyń ortasynda júrgendeı sezinip, avtomattandyrý protsesterin meńgeredi. Bolashaq jumys mamandary tsıfrlyq 3D-modeldeý, baǵdarlamalaý jáne ónerkásiptik robottarmen jumys isteýdi úırenedi.

- Qazir barlyq kásiporyndar Indýstrııa 4.0-ge aýysýǵa tyrysyp jatyr. Alaıda osy salada jumys isteı alatyn kadrlar óte az. Eger qural-jabdyqtardy biz shetelden ala alatyn bolsaq, kadrlardy ózimiz daıyndaýmyz qajet. Bizde osyndaı eki ortalyq bolady: bireýi osynda, al ekinshisi qurylys kolledjiniń bazasynda, - dep atap ótti Qaraǵandy oblysy ákiminiń orynbasary Almas Aıdarov.

Ortalyqta komandarlardyń WorldSkills kásibı sheberlik ulttyq jáne halyqaralyq chempıonatyna daıyndalýyna arnalǵan polıgondar jabdyqtalǵan.

Qaraǵandy oblysynda osy sekildi Quzyret ortalyqtarynyń jelisin qurý josparlanyp otyr. Bul alańdar eń aldymen básekege qabiletti mamandardy daıyndaýǵa arnalǵan ınnovatsııalyq klaster bolady. Taǵy bir mańyzdy quraýshy - jumys mamandyqtarynyń bedelin arttyrý.
Qaraǵandy joǵary polıtehnıkalyq kolledji 20 mamandyq boıynsha kadrlar daıarlaıdy. Bilim ordasy alǵashqylardyń biri bolyp dýaldy bilim berý júıesin engizgen bolatyn - ol osymen segizinshi jyl jumys istep keledi. Elbasynyń tapsyrmasyn oryndaý maqsatynda kolledj kelesi áleýmettik jobalardy júzege asyrýǵa qatysýda: «Serpin - 2050» «Máńgilik el jastary - ındýstrııaǵa!», «Tegin TjKB barlyǵyna». Stýdentter úshin IT-ortalyqtar, qurastyrý bıýrosy, bıznes-mektep, energopark uıymdastyrylǵan.

Erlan Qoshanov sondaı-aq quzyret ortalyqtaryna aýyldyq jastardy da jumyldyrýdy tapsyrdy.