Erlan Qoshanov saılaýdaǵy «Bárine qarsymyn» baǵany týraly: El ishinde túrli kóńil kúı bar

ASTANA. QazAqparat – Májilis tóraǵasy Erlan Qoshanov kezekten tys Prezıdent saılaýynda «Bárine qarsymyn» degen baǵannyń ekinshi oryn alýy týraly pikir bildirdi, dep habarlaıdy QazAqparat tilshisi.

Májilistiń jalpy otyrysynan keıin BAQ ókilderine suhbat bergen spıker Erlan Qoshanov kezekten tys ótken Prezıdent saılaýy týraly pikir bildirdi.

«Bul ózińiz aıtyp turǵan ekinshi grafaǵa daýys bergen saılaýshylardyń quqyǵy, erki. Oǵan men baǵa bere almaımyn. Olardyń óz oıy bar. ıAǵnı, olar barlyq kandıdattarǵa qarsy degen sóz. Halyqtyń ishinde ártúrli kóńil kúı bar. Biraq 82 paıyzǵa taıaý halyqtyń kóńil kúıi Prezıdentti qoldaıdy degenge saıady. Búgingi Prezıdentiń jasap jatqan reformalaryna, baǵytyna, baǵdarlamasyna, turaqtylyqqa senedi degen sóz. Ár adamnyń kóńil kúıi birdeı emes qoı», - dedi Májilisi spıkeri.

Foto: akorda.kz