Erlan Qoshanov Parlament palatalarynyń birlesken otyrysyn shaqyrdy

ASTANA. KAZINFORM — Májilis tóraǵasy Erlan Qoshanov Parlament Palatalarynyń birlesken otyrysyn shaqyrý týraly Ókimge qol qoıdy. Bul týraly Májilistiń baspasóz qyzmeti málim etti. 

— Qazaqstan Respýblıkasy Konstıtýtsııasynyń 58-baby 4-tarmaǵynyń 2) tarmaqshasyna sáıkes Qazaqstan Respýblıkasy Parlamenti Palatalarynyń birlesken otyrysy 2025 jylǵy 8 qyrkúıekte saǵat 11.00-de Astana qalasynda shaqyrylsyn, — dep jazylǵan Ókim mátininde.

Eske sala keteıki, segizinshi saılanǵan Parlamenttiń tórtinshi sessııasy resmı túrde 2 qyrkúıek kúni ashylǵan bolatyn.