Erlan Qoshanov óńirdegi shaǵyn bıznesti damytý jumystaryna syn aıtty
ASTANA. QazAqparat - Qaraǵandy oblysynyń ákimi Shet aýdanyndaǵy orta jáne shaǵyn bıznestiń damýyna qatysty narazylyǵyn bildirdi. Jumys sapary barysynda aımaq basshysy aýdan ákimine jáne tıisti basqarma basshylaryna bul máseleniń sheshimin tabýdy tapsyrdy, dep habarlaıdy ákimniń resmı saıty.
Oblystaǵy ónim óndirý kólemindegi Shet aýdanynyń úlesi 2% quraıdy. Munda 11 ónerkásip kásiporyndary jumys isteıdi, onyń 6-ýy taý-ken óndirisi bolsa, 5-ýi óńdeýshi ónerkásip. Búgingi tańda paıdalanyp jatqan ken oryndarynyń kóbi keńes ýaqytynan beri jumys istep keledi. Jobalardyń sanyn arttyrý úshin jańa ken oryndaryn ashý qajet. Osy baǵytta aýdanda jeke ınvestorlarmen 10 jer geologııalyq-barlaý jumystary ótkizilýde.
Aǵymdaǵy jyldyń sońǵy bes aıynda Shet aýdanynda ónerkásip kásiporynlarymen 21 mlrd. teńgege ónim óndirilgen. Onyń 85%-y taý-ken kásiporyndarynyń ónimderi. Degenmen, aýdanda negizgi kapıtalǵa túsetin ınvestıtsııalar kólemi 49%-ǵa tómendeýi baıqalýda. Negizinen ol Shet aýdanyndaǵy iri kásiporyn «Nova Tsınk» JShS-nen kelip túsetin ınvestıtsııanyń tómendeýimen túsindiriledi. 2017-shi jyldyń qyrkúıek aıynda ken orny qyzmetin damytý maqsatynda qosymsha túrde ken shyǵarýdyń jer asty ádisine kóshýdi josparlap otyr.
Qazirgi tańda kelisimsharttyq mindet sheńberinde kompanııa Aqjal kentindegi kópqabatty turǵyn úıdi qaıta qalpyna keltirý úshin 35 mln teńge bólgen, jánede shildeniń 15-ne deıin taǵy da 28 mln teńge aýdarylady. Sondaı-aq kásiporyn basshylyǵy uzyndyǵy 120 shaqyrymdy quraıtyn Aqjaldan Aqadyrǵa deıingi joldy jóndeýge ýáde berdi.
«Sizderdiń aýdandaryńyzdyń áleýeti joǵary», - dedi oblys ákimi Erlan Qoshanov Shet aýdany aktıviniń otyrysy barysynda. - Bul óńirde osyndaı iri kásiporyndardyń jumys istegeni jaqsy, árıne. Alaıda aýdandaǵy orta jáne shaǵyn bıznesti damytýdy umytpaǵan abzal. Bul baǵytta kórsetkishterińiz óte tómen. Men kásipkerlik basqarmasyna jáne orynbasarlaryma aýdan ortalyǵyna kelip, jergilikti ákimmen berlesip osy máseleniń sheshý joldaryn izdestirýdi tapsyramyn. Jergilikti kásipkerlerge memlekettik qoldaý quraldary týraly aqparat taratý jumystaryn ótkizý qajet.
Aýdanda 2380 bıznes sýbektileri jumys isteıdi, onyń 70% aýyl sharýashylyq salasyna tıesili. Oblys ákiminiń orynbasary Almas Aıdarov aıtqandaı, Shet aýdanynda 2010-shy jyldan beri «Bıznestiń jol kartasy 2020» baǵdarlamasy boıynsha memlekettik qoldaýdy nebary 9 kásipker paıdalanǵan.
