Erlan Qoshanov: Konstıtýtsııa basty qundylyqtarymyz - beıbitshilik pen kelisimge negizdelgen

QARAǴANDY. QazAqparat - Óńir basshysy Erlan Qoshanov qaraǵandylyqtardy Konstıtýtsııa kúnimen quttyqtady, dep habarlaıdy oblys ákiminiń resmı saıty. Ol merekege arnalǵan saltanatty sharanyń ashylýynda óz tilegin bildirdi. 

- Konstıtýtsııa - bul qujat bizdiń basty qundylyqtarymyz - beıbitshilik pen kelisimge negizdelgen. Biz birligimizdi saqtaı bildik. 140 ulttyń din bostandyǵyn, nanymyn, ózindik ereksheligi bar mádenıetin saqtap qaldyq. Álemniń 20-dan astam eń úzdik Konstıtýtsııalaryn bizdiń Elbasymyz jáne zań shyǵarýshy tulǵalarymyz zerttegenin bireý bilse, endi biri bilmeıdi. Olar tek ǵalamdyq damý tendentsııasyn ǵana eskergen joq, sonymen qatar bizdiń dástúrimizdi joǵary qoıa otyryp, Ata Zańymyzdy qabyldady. Bizdiń Konstıtýtsııamyz áli kúnge deıin álemdik zertteýshilerdiń zertteýleri boıynsha eń ozyq oılastyrylǵan Konstıtýtsııalardyń biri dep tanylyp keledi. Prezıdentimiz Nursultan Nazarbaev aıtqandaı, «Konstıtýtsııa - biz úshin ómir stıli». Eger árqaısymyz osy sózdiń tereń maǵynasyn túsinsek, onda Qazaqstan úshin bul 30 damyǵan eldiń qataryna enýdiń dańǵyl joly bolady. Zańdy jandy etetin adamdar, onyń ishinde biz - qaraǵandylyqtar da barmyz. Bizdiń elimiz Qazaqstan qaryshtap damı bersin!», - dedi aımaq basshysy.