Erlan Qoshanov: Kásiporyndardy jańǵyrtý kezinde adamdar jumystan shyǵarylmaıdy
«Biz iri kompanııalardy jańǵyrtý eńbek resýrstarynyń aǵylýyna ákelip soǵatynyn bilip otyrmyz. Soǵan baılanysty daıyndyǵymyz da bar. Biz bul máseleni Eńbek jáne halyqty áleýmettik qorǵaý mınıstri Tamara Dúısenovamen birshama talqyladyq. Málimdegim kelgeni: kásiporyndardy jańǵyrtý sebebinen adamdardy jappaı jumystan shyǵarý kózdelip otyrǵan joq», - dedi Erlan Qoshanov OKQ-da ótken baspasóz máslıhaty barysynda.
Sonymen birge, aımaq basshysy jańa zaýyt qurylysyn júrgizý boıynsha joba iske asqaly jatqanyn atap ótti.
«Shubarkól Kómir» kásiporyny «aqyldy karer» júıesin engizgeli jatyr. Kómir razrezi ónimdilikti jylyna 11 mln tonnaǵa jetkizip, kómirdi qaıta óńdeý bastaldy. Munda qýattylyǵy 570 myń tonnalyq arnaıy koks óndirisi boıynsha jańa zaýyt salý jobasy qolǵa alynady», - deıdi Erlan Qoshanov.
Sonymen qatar, Qaraǵandy oblysynyń ákimi Jaırem kentindegi taý-ken kombınatynyń qurylys týraly aıtyp berdi.
«Jobanyń quny - 100 mlrd teńge. Bul kombınat - elimizdegi eń ozyq tehnologııalar boıynsha jumys atqaratyn kásiporyn bolady. Seriktes retinde álemge áıgili Glencore kompanııasy jumys júrgizip jatyr», - deıdi Erlan Qoshanov.
