Erlan Qoshanov Qaraǵandy oblysy fýtbol qaýymdastyǵynyń tóraǵasy bolyp saılandy
ASTANA. QazAqparat - Erlan Qoshanov Qaraǵandy oblysy fýtbol qaýymdastyǵyna tóraǵa boldy. Bul sheshim fýtbol qaýymdastyǵynyń kezekti konferentsııasynda qabyldandy, dep habarlaıdy ákimdiktiń baspasóz qyzmeti.
Erlan Qoshanovty taǵaıyndaý týraly sheshim biraýyzdan qabyldandy.
«2018 jyly aımaqta fýtboldan jarystardy jıi ótkizý josparlanǵan. Mysalǵa, aldaǵy ýaqytta ardagerler arasynda respýblıkalyq birinshilik ótedi. Jalpy alǵanda, josparlarymyz kóp jáne olardy iske asyrý kerek. Osy oraıda bir máseleni aıta ketken jón. Shaǵyn qalalarda, aýdan ortalyqtarynda stadıondar bar, shtattyq jattyqtyrýshylar da qarastyrylǵan, biraq komandalar joq. Olar oblystyq birinshilikterge qatyspaıdy. Osy másele óz sheshimin tabady dep úmittenemiz», - deıdi Qaraǵandy oblysy fýtbol assotsıatsııasynyń atqarýshy dırektory Nıkolaı Býblınskıı.
Aımaq basshysy konferentsııaǵa qatysa almady, sol sebepti onyń atynan jańa mindetterge kirisýge kelisimdi dene shynyqtyrý jáne sport basqarmasynyń basshy orynbasary Rýstam Qojabekov berdi.
