Erlan Qoshanov aımaqtaǵy sý tasqyny jaǵdaıyn tikushaqpen baqylady
ASTANA. QazAqparat - Qaraǵandy oblysynyń ákimi Erlan Qoshanov tikushaqpen sý tasqyny qaýpi bar aýmaqtardy áýeden baqylap shyqty, dep habarlaıdy óńir basshysynyń resmı saıty.
Avıamarshrýt 580 shaqyrymnan astam qashyqtyqty qurap, tórt aýdandy qamtydy: Buqar Jyraý, Qarqaraly, Shet jáne Abaı. Týs tasqyny qaýpi joǵary aýmaqtar baqylanyp, Samarqand, Sherýbaı-Nura, Yntymaq, Jartas jáne Aşysý sý qoımalarynyń, sondaı-aq Nura, Sherýbaı-Nura,Aşysý, Mataq, Jarly ózenderiniń arnalary tekserildi.
Aımaq basshysymen qosa ushý barysyna oblystyq TJD bastyǵy Ybrahym Kúlshimbaev, aýdan ákimderi, memlekettik organ jetekshileri qatysty. Oblys ákimi bıylǵy jyly eriger qar sýynan adamdar qanshalyqty jaqsy qorǵalǵanyn óz kózimen qarap shyǵýdy uıǵarǵan.
Jyl saıyn arnasynan shyǵatyn ózenderdiń jaǵalarynda qorǵaý bógetteri salǵan jáne basqa da saqtandyrý sharalary uıymdastyrylǵan. Ol eldi mekenderge sý kirý qaýpin tómendetýge múmkindik beredi. 
Ótken jyldarmen salystyrǵanda qardaǵy sý kólemi azyraq. Áýeden baqylaý barysynda ózenderdegi sýdyń deńgeıi tómendegeni baıqalady, sý tasý jáne arnasynan shyǵý qaýpi joq. 
Qazirgi tańda Samarqand sý qoımasynan 15 m³/s., Yntymaq sý qoımasynan - 20 m³/s kóleminde sý jiberilip jatyr. Іri sý qoımalarynan ýaqytynda sý jiberip otyrý sharasy ózenderdiń arnasyn jýyp ótýge, sondaı-aq sý qoımalarynda erigen qar sýyn syıdyratyn bos oryn daıyndaýǵa múmkindik berdi. 
Aımaqtaǵy sý tasqynyna qatysty jaǵdaı qalypty jáne únemi baqylaýda. Jedel shtab kún saıyn jaǵdaıdy qadaǵalap otyr.
