Erlan Qoshanov áleýmettik dárihanalar ashýdy tapsyrdy
ASTANA. QazAqparat - Qaraǵandyda jeńildikpen beriletin dáriler jetispeýshiligi sheshiledi. Bul týraly oblystyq ákimdikte ótken apparattyq otyrysta Oblystyq densaýlyq saqtaý basqarmasynyń basshysy Erjan Nurlybaev málim etti, dep jazady ákimdiktiń saıty.
«Dári-dármekterdi satyp alý boıynsha únemdeý esebinen biz 383 mln teńgeni saqtap qaldyq», - dedi ol. Bul máseleni biz Densaýlyq saqtaý mınıstrligimen talqyladyq. Qazir biz bul qarajatty búginde asa qıyn bolyp turǵan másele dıabetke qasy dárilerdi satyp alý úshin bólip jatyrmyz. Onan soń aǵzalardy aýystyrýda qajetti dárilerdi satyp alamyz, sebebi ondaı dárilerdi únemi qabyldaýy kerek naýqastar sany artýda. Qalǵan qarajatty biz revmatozdy artrıt, Kron aýrýy, ıshemııalyq aýrýlar, joǵarǵy qan qysymy men arıtmııaǵa qarsy preparattardy satyp alý úshin jumsamaqpyz», - dedi jıynda Erjan Nurlybaev.
Dárilerdiń jańa partııasy qazan aıynyń basynda túsedi.
Oblys ákimi Erlan Qoshanov Densaýlyq saqtaý basqarmasyna kommertsııalyq dárihanalardaǵy dárilik preparattarǵa monıtorıng júrgizýdi, jáne de oblysta qosymsha áleýmettik dárihanalardy ashý máselesin qarastyrýdy tapsyrdy.
