Erlan Qoshanov ákimderge JEO jumysyn táýlik boıy qadaǵalaýdy tapsyrdy
QARAǴANDY. QazAqparat - Qaraǵandy oblysynyń ákimdiginde ótken apparattyq jınalysta Erlan Qoshanov jyl saıyn jańa jyl aldynda azyq-túlik baǵalarynyń kóterilýi máselesine toqtaldy, dep habarlaıdy óńir basshysynyń resmı saıty .
- Qazirdiń ózinde negizsiz baǵalardyń kóterilýine jol bermeý úshin aldyn ala jumystar atqara bastaý kerek, - dedi ol. - Osy jyly ondaı jaıttar qaıtalanbas úshin qandaı jedel sharalar qoldanýǵa bolatynyn oılastyrý qajet. Bul birinshi kezekte qalalar men aýdandardyń ákimderine qatysty.
Aımaq basshysy orynbasarlary men basqarmalar basshylaryna apat pen kútpegen jaıttardyń aldyn alý úshin JEO-da táýlik boıy kezekshilik etýdi tapsyrdy.
Sonymen qatar aldaǵy merekelik kúnderde qoǵamdyq tártipke jiti nazar aýdarý qajettigi atap ótildi. 30 qarasha men 1 jeltoqsanda Qaraǵandyda jáne oblysta Tuńǵysh Prezıdent kúnine oraı birneshe sharalar ótedi dep josparlanýda. Dálirek aıtar bolsaq, Serik Sápıev atyndaǵy boks ortalyǵynda «Bizdiń kóshbasshy - bizdiń kúshimiz!» aýqymdy medıajobasy uıymdastyrylady.
