Erlan Qııasov pen Ajar Ǵınııat erteń vaktsınanyń ekinshi dozasyn saldyrady
NUR-SULTAN. QazAqparat – Erteń, 22 aqpanda densaýlyq saqtaý vıtse-mınıstri – QR Bas memlekettik sanıtarlyq dárigeri Erlan Qııasov pen Densaýlyq saqtaý vıtse-mınıstri Ajar Ǵınııat Nur-Sultandaǵy №6 qalalyq emhanada koronavırýs ınfektsııasyna qarsy «Spýtnık V» vaktsınasynyń ekinshi dozasyn saldyrady, dep habarlaıdy QazAqparat QR Densaýlyq saqtaý mınıstrliginiń Instagram-daǵy akkaýntyna silteme jasap.
«Densaýlyq saqtaý mınıstrligi sanıtarlyq talaptardy saqtaý maqsatynda vaktsına salatyn medıtsınalyq nysanǵa BAQ ókilderiniń kirýine shekteý qoıady.
Saǵat 9-00-de Habar24 telearnasy oqıǵa ornynan tikeleı translıatsııa jasaıdy (https://24.kz/ru/live-24-kz) jáne Densaýlyq saqtaý mınıstrliginiń Facebook resmı paraqshasynan: https://www.facebook.com/MinzdravRK / kóre alasyzdar, dep habarlady Densaýlyq saqtaý mınıstrliginen.
Esterińizge sala keteıik, A.Ǵınııat pen E. Qııasov koronavırýs ınfektsııasyna qarsy vaktsınanyń alǵashqy dozasyn 2021 jylǵy 1 aqpanda №6 qalalyq emhanada alǵan bolatyn.
Buǵan deıin habarlaǵanymyzdaı, 1 aqpannan Qazaqstanda halyqty erikti túrde kezeń-kezeńmen vaktsınatsııalaý naýqany bastaldy. «Spýtnık V« vaktsınasynyń birinshi partııasy Qazaqstanǵa 22 myń doza kóleminde jetkizildi jáne óńirlerge taratyldy.
Vaktsınany kámeletke tolǵan azamattar ǵana alady. KVI-ǵa qarsy vaktsınatsııa 2021 jyldyń sońyna deıin jalǵasady, oǵan 6 mln adam qatysady dep josparlanýda.
