Erlan Qııasov koronavırýs juqtyrǵandardyń sany ósken 4 oblysty atady
NUR-SULTAN. QazAqparat – Ortalyq kommýnıkatsııalar qyzmetinde QR Densaýlyq saqtaý mınıstrliginiń ókilderi Qazaqstannyń qazirgi epıdemıologııalyq ahýaly men halyqty dári-dármekpen qamtamasyz etý máseleleri jóninde baspasóz máslıhatyn ótkizip jatyr, dep habarlaıdy QazAqparat tilshisi.
«Búginde elimiz «jasyl» aımaqta, ıaǵnı táýekeli tómen aımaqta tur. Qaýpi joǵary nemese «qyzyl» aımaqta eki óńir bar. Olar: SQO men Pavlodar oblysy. Aldyńǵy aptamen salystyrǵanda «qyzyl» aımaqtan «sary» aımaqqa Qostanaı jáne Aqmola oblystary aýysty, qazir «sary» aımaqta Almaty, Nur-Sultan qalalary, ShQO jáne Atyraý oblystary tur. «Sary» aımaqtan «jasyl» aımaqqa BQO aýysty», - dedi baspasóz máslıhatynda QR Densaýlyq saqtaý vıtse-mınıstri – bas memlekettik sanıtarlyq dáriger Erlan Qııasov.
Onyń aıtýynsha, ótken eki apta ishinde koronavırýspen aýyrǵandar sany 10 paıyzǵa kóterilgen. Aýrý-syrqaýdyń ósý jaǵdaıy Atyraý oblysynda 1,9 ese, Jambyl oblysynda 1,8 ese, Aqmola oblysynda 1,7 ese, Pavlodar oblysynda 1,5 ese óskeni baıqalady.
