Erlan Qarın: Júrgizilip jatqan saıası baǵyt salmaqty qoǵamdyq qoldaýǵa ıe
ASTANA. KAZINFORM — Memlekettik keńesshi Erlan Qarın «Ortalyq Azııa — Qytaı: aımaqtyq áriptestiktiń jańa kókjıekteri» atty taldaý ortalyqtary V forýmynyń ashylýyna qatysty.
— Barlyq júzege asyrylǵan jáne bolashaq reformalar memlekettigimizdi nyǵaıtýǵa, barsha azamattyń ál-aýqatyn arttyrýǵa baǵyttalǵan. Sondyqtan júrgizilip jatqan saıası baǵyt salmaqty qoǵamdyq qoldaýǵa ıe. Qazaqstannyń strategııalyq zertteýler ınstıtýty júrgizgen saýalnama derekterine sáıkes, Qazaqstanda azamattardyń 73,3 paıyzy, al Qoǵamdyq saıasat ınstıtýtynyń deregi boıynsha azamattardyń 79,5 paıyzy elimiz durys baǵytta damyp kele jatyr dep sanaıdy. Bul Qazaqstanda memleket pen qoǵam birigýiniń joǵary deńgeıin bildiredi, — dedi halyqaralyq is-sharanyń ashylýynda sóz sóılegen Erlan Qarın.
Aıta keteıik, taıaýda elordada Ortalyq Azııa elderi men Qytaı eli medıa salasy mamandarynyń qatysýymen forým ótken edi.