Erlan Qarın: jastar – Memleket basshysy bastamalarynyń negizgi qozǵaýshy kúshi

ASTANA. KAZINFORM – Memlekettik keńesshi Erlan Qarın jastar uıymdarynyń jetekshilerimen kezdesti.

Ol elimizdiń progressıvti damýyndaǵy jastardyń basty rólin atap ótti:

– Búginde memleket jastarǵa qoldaý kórsetip qana qoımaı, júrgizilip jatqan reformalarda olardyń sheshýshi ról atqaratynyna senim artyp otyr.

Memleket basshysy árbir sózinde jastarǵa arnaıy úndeý aıtýy beker emes. Prezıdentimiz elimizdiń jasampaz kún tártibin qalyptastyrýda jáne ilgeriletýde jastardyń sheshýshi ról atqaratynyn aıryqsha atap kórsetedi.

Sondyqtan memleket jastardy basqarýdyń barlyq deńgeıinde sheshim qabyldaý úderisine belsendi túrde tartady. Jastardyń Parlamenttegi, máslıhattardaǵy, qoǵamdyq keńesterdegi ókildigi aıtarlyqtaı artty. Prezıdenttik jastar kadr rezervine qatysýshylar jaýapty laýazymdarǵa taǵaıyndalady. ıAǵnı, «jastar úshin emes, jastarmen birge» degen jastar saıasatynyń basty qaǵıdasy is júzinde júzege asyrylyp jatyr. 

Óz kezeginde óskeleń urpaqtyń el bolashaǵy úshin jasampazdyq áleýetin júzege asyrýǵa talpynysy artyp keledi. Búgingi tańda Memleket basshysy bastamalarynyń negizgi qozǵaýshy kúshi – jastar. Buǵan jaqynda júrgizilgen saýalnamalar da dálel. Prezıdent bárinen buryn jastardy kóbirek qoldaıdy – 90 paıyzdan astam.

Eske sala keteıik, buǵan deıin Memlekettik keńesshi konfessııaaralyq kelisimdi nyǵaıtý máselesine arnalǵan jıyn ótkizgen bolatyn.