Erlan Qarın jańa Konstıtýtsııadaǵy Qazaqstan Respýblıkasy qyzmetiniń negizgi qaǵıdattaryn atady

ASTANA. KAZINFORM – Konstıtýtsııalyq reformalar jónindegi komıssııanyń kezekti otyrysynda Memlekettik keńesshi Erlan Qarın Jańa Konstıtýtsııadaǵy Qazaqstan Respýblıkasy qyzmetiniń negizgi qaǵıdattaryn atady.

Jarty jyl boıǵy eńbektiń qorytyndysyn qabyldaıtyn sát jaqyndaǵanyn aıtqan Erlan Qarın Konstıtýtsııada ashyq talqylaýlar arqyly ózgeriske ushyraǵan jekelegen baptardyń mán-mańyzyna toqtaldy.

– Keshe Jeńis Mahmutuly óz sózinde Qazaqstan Respýblıkasy qyzmetiniń negizgi qaǵıdattary týraly bapqa qatysty usynys aıtqan bolatyn. Bul – óte mańyzdy bap, - dedi ol.

Aıtýynsha, jańa nusqanyń 1-bólimi 3-baby endi bylaı dep jazylǵan: «Qazaqstan Respýblıkasy qyzmetiniń negizgi qaǵıdattary Egemendik pen Táýelsizdikti qorǵaý, adam quqyqtary men bostandyqtaryn saqtaý, zań men tártiptiń ústemdigin qamtamasyz etý, jalpy ulttyq birlikti bekemdeý, halyqtyń ál-aýqatyn arttyrý, jaýapty ári jasampaz otanshyldyq ıdeıasyn ornyqtyrý, qoǵamdyq dıalogty damytý, eńbek, progress, bilim qundylyqtaryn bekitý, joǵary ekologııalyq mádenıet qalyptastyrý, tarıhı-mádenı murany saqtaý, tól mádenıetti qoldaý.

– Baıqap otyrǵanymyzdaı baptyń aýqymy men aıasy aıtarlyqtaı keńeıdi. Bul – múldem jańa bap. ıAǵnı bul norma jańa preambýlamen úndesip tur. Sondyqtan ony Konstıtýtsııanyń jańa redaktsııasyndaǵy preambýlamen qatar mańyzdy norma dep aıtýǵa bolady, - dedi Memleket hatshysy.

Eske sala keteıik, Kazinform agenttiginiń saıtynda atalmysh otyrystan tikeleı efır uıymdastyryp otyr. 

Aıta keteý kerek, jańa Konstıtýtsııanyń sońǵy nusqasynda 95 bap bolady.