Erlan Qarın jańa geosaıası jaǵdaıdaǵy Ortalyq Azııa týraly konferentsııaǵa qatysty

NUR-SULTAN. QazAqparat - Erlan Qarın halyqaralyq konferentsııaǵa qatysty, dep habarlaıdy QazAqparat Aqordanyń resmı saıtyna sálteme jasap.

Qazaqstan Respýblıkasynyń Memlekettik keńesshisi Erlan Qarın Qazaqstannyń strategııalyq zertteýler ınstıtýty uıymdastyrǵan «Jańa geosaıası jaǵdaıdaǵy Ortalyq Azııa yntymaqtastyǵy: syn-qaterler men keleshegi» atty halyqaralyq konferentsııaǵa qatysyp, baıandama jasady.

Konferentsııaǵa Ortalyq Azııa elderi strategııalyq zertteý ınstıtýttarynyń basshylary, óńir damýynyń ózekti máselelerin zerttep júrgen belgili sarapshylar keldi.

Óz sózinde Erlan Qarın osyndaı kópjaqty ári joǵary deńgeıdegi sarapshylar arasyndaǵy dıalog óńirlik problemalar men synaqtarǵa jáne ony sheshýge baılanysty biryńǵaı tásil ázirleýge qatysty ortaq túsinik qalyptastyrýǵa septigin tıgizetinin aıtty.