Erlan Qarın: ıÝNESKO-nyń Búkilálemdik muralar tizimine Mańǵystaýdaǵy jerasty meshitterin engizý jóninde ótinim berildi
ASTANA. KAZINFORM – Búgin Memlekettik Keńesshi Erlan Qarınniń tóraǵalyǵymen QR ıÝNESKO jáne ISESKO isteri jónindegi ulttyq komıssııanyń otyrysy ótti, dep habarlaıdy Aqordanyń baspasóz qyzmeti.
Májilis barysynda ıÝNESKO jáne ISESKO-men ózara yntymaqtasty damytý boıynsha josparlar men basymdyqtar talqylandy.
Erlan Qarın sózinde ıÝNESKO-men yntymaqtastyqqa erekshe mańyz beretin Memleket basshysynyń tapsyrmalaryn júzege asyrýdyń mańyzdylyǵyn atap ótti.
- 2024 jyldyń naýryz aıynda Atyraýda ótken Ulttyq quryltaıdyń Úshinshi otyrysynda sóılegen sózinde Prezıdent Qasym-Jomart Toqaev Qazaqstanda kózdiń qarashyǵyndaı saqtap, álemdik deńgeıde tanytý kerek teńdessiz tabıǵı jáne tarıhı nysandardyń kóptigin atap ótti. Memleket basshysynyń tapsyrmasy boıynsha ıÝNESKO-nyń qaraýyna uıymnyń Búkilálemdik muralar tizimine «Mańǵystaýdyń jerasty meshitterin» engizý týraly ótinim berildi. Qazirgi tańda Halyqaralyq eskertkishter men tarıhı oryndardy saqtaý keńesi sarapshylarynyń elimizge kelý máselesi talqylanyp jatyr.
Osyǵan deıin Qazaqstannyń ıÝNESKO jáne ISESKO isteri jónindegi ulttyq komıssııasynyń otyrysy ótkenin habarladyq.