Erlan Qarın ıÝNESKO-nyń Bas konferentsııasynda sóz sóıledi
Memlekettik keńesshi, Qazaqstan Respýblıkasynyń ıÝNESKO jáne ISESKO isteri jónindegi Ulttyq komıssııasynyń tóraǵasy Erlan Qarın ıÝNESKO-nyń Parıjde ótip jatqan 42-shi Bas konferentsııasynyń jalpysaıası debattarynda sóz sóıledi, dep habarlaıdy Aqordanyń baspasóz qyzmeti.
Erlan Qarın Qazaqstannyń ıÝNESKO-men jan-jaqty áriptestikti damytýǵa basa mán beretinin atap ótti.
Memlekettik keńesshi mundaı yqpaldastyq elimizde saıası, ekonomıkalyq jáne áleýmettik-gýmanıtarlyq reformalar júrgizýge yqpal etetinin aıtty. Delegattarǵa Qazaqstan Respýblıkasynyń Prezıdenti Qasym-Jomart Toqaevtyń Túrkistanda ótken Ulttyq quryltaıdyń ekinshi otyrysynda jáne bıylǵy 1 qyrkúıektegi Qazaqstan halqyna Joldaýynda aıtylǵan birqatar bastama týraly aqparat berildi.
– Qazaqstanda júrgizilip jatqan reformalardyń maqsaty – bilim, ǵylym jáne mádenıetti órkendetý arqyly ulttyń jańa sapasyn qalyptastyrý, – dedi Erlan Qarın.
Memlekettik keńesshi elimizde mádenı jáne tabıǵı muralardy qorǵaýǵa qatysty naqty jobalardy iske asyrý, bilim berý salasyn, jaratylystaný jáne gýmanıtarlyq ǵylymdardy, kommýnıkatsııa jáne buqaralyq aqparat quraldaryn damytý úshin ıÝNESKO-nyń dáıekti túrde qoldaý kórsetýi mańyzdy ekenine toqtaldy.
Erlan Qarın beıbitshilikti nyǵaıtýǵa, ornyqty damýǵa jáne mádenıetaralyq dıalogty órkendetýge yqpal etetin Uıymnyń minberinen sóz sóılep, Qazaqstan Prezıdentiniń Birikken Ulttar Uıymy Bas assambleıasynyń sessııasynda kıeli kitaptardy, sonyń ishinde Qurandy vandalızmnen quqyqtyq turǵydan qorǵaý qajet ekeni jóninde málimdeme jasaǵanyn eske saldy.
Sondaı-aq «Turannyń qysqy sýyq shólderi» kópulttyq nomınatsııasynyń quramdas bólikteri retinde «Altyn Emel» ulttyq parki men Barsakelmes qoryǵy aýmaqtaryn Dúnıejúzilik mura tizimine qosýǵa qoldaý bildirgeni úshin Uıymǵa múshe memleketterge alǵys aıtty.
Klımattyń ózgerý sebepterine baılanysty Memleket basshysy Qasym-Jomart Toqaevtyń Birikken Ulttar Uıymy aıasynda 2026 jyly Qazaqstanda Aımaqtyq klımattyq sammıt ótkizý týraly bastamasyna nazar aýdaryldy.
Erlan Qarın sózin qorytyndylaı kele, Qazaqstannyń ıÝNESKO-men aradaǵy tıimdi ekijaqty yntymaqtastyqty odan ári damytýǵa jáne nyǵaıtýǵa daıyn ekenin jetkizdi.
